Tiite 3:8 - Musamu wu Mubwe

⁸ Mo mali mambu ma mbuli. Na me tondi ti we kwilala mu usilasa misamu mominimi, mana ba buusa hiitu mu Nzambi, bahwada mu ubaavanga mamabwe. Mono ma mali mamabwe, na ma tsongo huli baatu.

Tiite 3:8 ပူးပေါင်းရင်းမြစ်များ

Yowani 12:44

Yisu aleeli mu mifudi: «Muutu wu li mu usiila me imiinu, a hubasiila hyo ndulu mu me ve, ka napa mu wuuna wu atsindaha me.

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Mavanga 12:15

Buuna bo baaleeli nde ti: «We ladi li na lo!» Ka nde akwilili mu ubaaleele ti Peetelo hu mbadi ali. Bo baaleeli ti: «Nde ŋana ka Pofi a nde!»

Looma 4:5

Ka ŋa muutu wu avelesa isalu, ali na hiitu mu Nzambi wu ubaakitusa nga masumu wu akuha, Nzambi miisiinga ti nde wu akuha ali mu imiinu.

1 Timoteho 1:15

Liniili ni dyambu la mbuli, li baatu boosi baafwana uyaka: Yisu Kristo amiiya ŋa tsi mu uyobolo banga masumu. Ka me wa tsomi ŋa hati la bo.

1 Timoteho 2:8

Ni mu buuna, me tondi ti babahala babaasambila kindi mbuha, na ubaasyenolo myoho mi myatsyeme, hwavele a kesi na bileedi.

1 Timoteho 5:10

Baafwana utiila nde imbangi mu mavanga mamabwe, bu nde habuhisi baana ba nde, bu hakayaka baatu bubwe. Bafwana utiila nde imbangi kaka, bu hakaswaha miilu mya baatu bangidi, bu hakakumbasa banga pumbu, na bu haba hakangama mu mavanga moosi mamabwe.

2 Timoteho 1:12

Na, ni mu buuna, me ndi mu umono mapasi momanima. Ka me a handi na tsonyi ve, mu toni ati me nzabi mu na me atsa hiitu hya me. Me na hiitu mu nde, wu uli na matwala ma ukelese bi nde hava me, nate mu ilumbu hya tsundusu.

Tiite 1:9

Mukuutu libundu afwana uba muutu wu akangama na mifudi, mu mambu ma mbuli, ma maabambana na Tsangu ya Mbuli yi bubaalongese nde. Buuna, nde afwana uba muutu wu ubaahwadisa bakima, na wu ubaava bo ndongisili ya mbuli. Nde afwana uba na matwala ma usyembe ba bubaabisa ndongisili a nde.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

Tiite 2:7

We mwakulu Tiite, afwana umwese mbiili yimbwe, mana baatu badukala ifwani hya we. Ndongisili a we, yafwana uba ya mbuli na yi likinzu.

Tiite 3:1

Yibwala libundu monyi, ti lo lafwana uyuhala na usiingala bakuutu na lituma la tsi. Lo lafwana uvangama mu ubaavanga moosi mamabwe.

Tiite 3:14

Baatu ba bisu ka bafwana uhwada mu uva linyutu mu uvanga mamabwe, mana bo bakumbasa ba bali na nzala likumbasa. Bo bavanga buuna, bo sa baba na tsongo.

Filemoni 1:11

Tsomi nde a haba na tsoongo huli we ve. Ka bunuubu nde ka na tsoongo huli we na huli me.

1 Peetelo 1:21

Mu nde benu lili mu usa imiinu mu Nzambi wu asuula nde ŋa hati la babaakwa, na wu ava nde muyusu. Ni mu buuna, benu libaasa imiinu na hiitu mu Nzambi.