Tiite 3:7 - Musamu wu Mubwe

⁷ Nde hasidi buuna, mana bu buuteele bisu «ba bamiibinga» mu kolo-kolo a nde, bisu likituha babahi ba hiitu hya monyi wu bilima na bilima.

Tiite 3:7 ပူးပေါင်းရင်းမြစ်များ

Looma 11:6

Nde hasoolo bo mu hyese hya nde, ka a mu toni mavanga ma bo ve. Tso a buuna ve, hyese hya Nzambi a hisaali hyese ve.

Looma 3:24

Ka mu bungodu, Nzambi amiikuhasa bo mu hyese hya nde, mu likumbasa li liyobolo li lili mu Kristo Yisu.

Looma 3:28

Mu mbuli, Nzambi ubaakuhasa muutu mu toni imiinu hya nde, ka a mu mavanga ma Mikele ve.

Looma 4:16

Ni mu buuna, basiidi lahi mu nzila yi imiinu, mana hyo hiba hyese hi Nzambi ubaava, na basilasa hyo huli imbisa hya Abrahami hyosi. Lahi a lili mu utala ndulu ba bubaasiingala Mikele ve, ka napa boosi ba bubaasa imiinu we bu Abrahami hasiidi imiinu. Abrahami ni taata a bisu boosi,

Looma 4:4

Woosi wu ubaasala, ubaayaka pfuta a nde. Pfuta mo, a yili huli nde we hyese ve, ka yo yili mukanu.

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Ngalaatiya 2:16

Bisu liyaabi ti Nzambi ni wu ubaasa ti muutu aba wu akuha mu imiinu hya nde mu Yisu Kristo. Ka a bu nde ubaaduukala Mikele mya Moose ve. Mono buni bisu Bayudaayo kaka, laamiisa imiinu mu Yisu Kristo, mana bisu liba ba baakuha mu imiinu mu nde. Bisu a lili ba baakuha ŋa busu bwa Nzambi, mu kuhisili Mikele mominimi ve. Muutu tso mumosi utwala umonehele wu akuha ŋa busu bwa Nzambi, bu nde ubaakuhasa Mikele ve.

Ngalaatiya 3:29

Umono ti benu lili ba Kristo, benu lili imbisa hya Abrahami. Na benu sa liba babyalili ba mukobe wu Nzambi hasiidi lahi huli Abrahami.

Ngalaatiya 4:7

Ni mu buuna, we a hasaala muviha ve, ka we mwana. Mu toni ati we li mwana, we mubyalili mukobe, wu Nzambi haswehele baana ba nde.

2 Tesalonika 2:16

Mu hyese hya nde, Nzambi Taata a bisu atondo bisu, na nde ava bisu ibahala hi hyavele na tsukusu na hiitu hi hibwe. Nyaha nde na Pfumu a bisu Yisu Kristo nde mwakulu,

Tiite 1:2

Me ndi mu unzabisa bo imbuli, mana bo baba na hiitu hi ubaha monyi wu bilima na bilima wu li mu Nzambi. Monyi mowuna, Nzambi wu ubaavelepfuta, asiidi bisu lahi umata pangili a tsi.

Tiite 2:11

Eye, Nzambi amwesi mamabwe ma nde, mu tonyi ati nde asooli nzila yi uyobolo baatu boosi.

Tiite 2:13

Ni buuna, bisu lafwana ukeele ilumbu hya kinya hi bisu lili mu usa hiitu. Ilumbu mohina, Nzambi a bisu wu munene, wu uli Mufuhisi a bisu Yisu Kristo, sa amonehele hutso muyusu a nde.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

1 Peetelo 3:7

Benu balumi kaka, bu benu lili mu utsahala na bakadi ba benu, yabaani ti bo a bali na mifudi ve. Ka baakinzaani bo, mu toni ati, itwadi na benu, bo bu ubaha bungodu bwa monyi wu umata huli Nzambi. Benu lisa buuna, dyambu tso limosi a lu usa ikahu mu masambulu ma benu ve.