Tiite 3:6 - Musamu wu Mubwe

⁶ Nzambi apuhili bisu Livupu moliina mu iteesi hi hyafulala, mu nzila a Yisu Kristo Mufuhisi a bisu.

Tiite 3:6 ပူးပေါင်းရင်းမြစ်များ

Yowani 1:16

Bisu boosi laayaki ikuuku hi busina bwa hyese hya nde. Nde ayitili bisu lisyeme li lilahi.

Yowani 16:7

Bunuubu, mu mbuli me ndi mu undeele benu, hwafwana huli benu, me mu uyene. Mu toni ati, me upelenzyene, Mukaliini a huya huli benu ve. Ka tso me nzyeni, me tsa tsindaha benu nde.

Yowani 4:10

Yisu ni ufutala nde: «Kini we ayaaba bungodu bwa Nzambi, na tso we kiyaaba na li mu uleele we: “Va me mamba ma unywa”, kini we ni wu kiivondo mamba ma unywa, na nde kiiva we mamba ma monyi.»

Yowani 7:37

Ilumbu hya tsukusu mukungi, ilumbu hi hyafulala tsongo, Yisu atelimi, na asyenuli ndaha: «Tso muutu li na peyu a mamba, aya huli me, na anywa.

Mavanga 10:45

Banga a hiitu, babali Bayudaayo ba baayidi na Peetelo, baakimuhi bo boosi. Bo baakimuhi, mu umono ti bungodu bu Livupu la Ngidi, bwakapuhama kaka nate hu uli ba baavele Bayudaayo.

Mavanga 2:33

Baasyenuli nde, mu uba ŋa mbahala a Nzambi. Na nde miiyaka Livupu la Ngidi huli Taata, we bu Nzambi hasiidi lahi. Nde amiiyitala lo ŋa yulu a bisu, we bu benu lili mu umono na uyuha bunuubu.

Looma 2:4

Buve, we bubwe bu bunene bwa Nzambi ubaapenye, mu mukami a nde na bunene bu mutima a nde? We a hayabi ve ti bubwe bwa Nzambi buli mu ubita we hu usobo mbiili?

Looma 5:5

Hiitu a hibaapfuta ve mu toni ati, Nzambi ayitili litondo la nde mutso mitima mya bisu, mu likumbasa li Livupu la Ngidi li nde haviidi bisu.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

1 Timoteho 6:17

Leele huli banga busina ba tsi moyiniyi, baveleba na isayi. Leele bo bavelesa hiitu hya bo mu busina bu bubaadimbala, mu toni ati, bwo a buudinga ve. Ka nyaha babaasa hiitu hya bo mu Nzambi, wu ubaava bisu byosi bi byafulala, mana bisu liba mu kinya.

Tiite 1:4

Ni huli we Tiite, me ndi mu utsonehe muhanda mowunuwu. We ni mwana a me wu litondo mu itwadi hi imiinu hi hyapfuuta bisu a we. Nyaha Nzambi Taata na Kristo Yisu Mufuhisi a bisu, basyeme we na uva we hyenze!