Tiite 3:3 - Musamu wu Mubwe

³ Mu tonyi ati, bisu ka hu mbandu, laaba biyahudi, banga kene ŋa busu bwa Nzambi na ba baadunga. Bisu aba baviha ba linyungi na makinya ma toto moosi. Idiingu hya bisu aba hutso bukanyi na linyungi. Bisu laakabelele bana na laakabelesene bisu mo na bisu mo.

Tiite 3:3 ပူးပေါင်းရင်းမြစ်များ

Luuka 21:8

Yisu afutili bo: «Kebaani, muutu a hapfuta benu ve. Mu toni ati babalahi bu uya mu nduhi a me, na ubaaleele: “Ni me Masiya!” — Na “Tangu yamito.” Ka a liduuka bo ve.

Yowani 8:34

Yisu afutili bo: «Mu mbuli mu mbuli me ndi mu undeele benu, pasi muutu wu usumaha, nde li muviha lisumu.

Looma 11:30

Mu tangu a tsomi, benu laabisili Nzambi. Ka bunuubu, Nzambi amiikwila benu lingebe, mu toni ati Bayudaayo baabisili nde.

Looma 6:12

Ni mu buuna, masumu utwala ubwetuma nyutu a benu yi yukwa ve, mu ubwesiingala linyungi la yo.

Looma 6:17

Ka lifutalaani matondo huli Nzambi! Benu ba laabeedi hu tsikulu baviha ba masumu, bunuubu benu limiisiingala mu mutima woosi Mikele mya ndongisili yi benu laayaki.

Looma 6:22

Ka bunuubu, bu lika bunyanga ŋa busu bu masumu, na bu lika baviha ba Nzambi, kaluha yi benu luubaha ni idiingu hi hyaluula mu nde, na tsukusu ni monyi wu bilima na bilima.

Looma 6:6

Ni mu buuna, liyabaani ti, imuutu hya bisu a benu hya tsikulu baakomini hyo ŋa muti itwadi na Kristo. Mana itwadi hya bisu na masumu hitabuha, na libwevelebaani baviha ba masumu.

Ngalaatiya 6:3

Tso muutu li mu unyeme mu biita la nde, hwavele uba na tsongo, nde li mu upfuta nde mwakulu.

2 Timoteho 3:13

Ka baatu banga mavanga mamabi, banga a soho, bu usinzakagama mu bubi bwa bo. Bo bu usoho bakima, na bu udunga bo mwakulu.

2 Timoteho 3:6

Me nzalusa benu, huli na bakima ŋa hati la bo babali mu utsodomo we miibi mutso manzo na ubaasoho bakasu babaavele na dyele, ba baaluula na mipfuna mi masumu, ba baayunga na banga manzala ma pila mu pila.

Tiite 1:16

Bo bali mu uleele ti bo baayaba Nzambi. Ka mavanga ma bo, mali mu umwese ti bo bubaatunala nde. Bo bali banga muwala, ba baavele na lisingala, na ba baavelesa isalu tso imosi hi ibwe.

Tiite 2:12

Liyobolo mo lili mu ulongese bisu mu uveletahuha na Nzambi, na ubisa linyungi. Bisu livanga buuna mu tangu moyiniyi, bisu luuba na idingu hya tsiki, hya tsitsa na hi likinzu mu Nzambi.

Yaki 1:26

Tso muutu li mu umonehele we musambili wa mbuli, hwavele ukuta limi la nde, nde li mu upfuta nde mwakulu, inzambi hya nde hya mu pu.

1 Peetelo 1:14

Singalaani Nzambi bu benu lili baana ba nde. Na a likangama mu mapeyu mamabi ma benu laaba na mo tsikulu ve, ŋa benu laaba kini hutso budimbu.