Tiite 3:2 - Musamu wu Mubwe

² Bo muutu utuha ve, mitsotso ve. Ka bo bafwana uba baatu ba hyenze na bababwe, banga bulembo ŋa busu bwa baatu boosi.

Tiite 3:2 ပူးပေါင်းရင်းမြစ်များ

Mavanga 23:5

Pahuli afutili: «Me a hakanzaba ve, baana ba ngu ti nde mukuutu banganga ba Nzambi ali. Mu toni ati mabaasonehe mali mu ulongese bu: “We lilibi uleele mu mukuutu ibandu hya we ve!”»

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Ngalaatiya 6:1

Baana ba ngu, tso bayabiisa muutu bikuma mu uvanga lilibi, benu ba lili na livupu la Nzambi, sungahani nde mu bulembo. Na kebe we mwakulu kaka, mu uvelebwa mu lobese.

Ngalaatiya 6:10

Ni mu buuna, bu tangu yimonihili, libaavangani mamabwe huli pasi muutu, fula-fula huli baana ba ngu ba imiinu mu Kristo.

Filiipo 4:5

Nyaha baatu boosi bamono bulembo bwa benu. Pfumu aka bebele.

1 Tesalonika 2:7

Bisu beedi na muswa mu unangimana benu, bu bisu lili bilumbi bya Kristo. Ka bisu laamwese bulembo bwa bisu ŋa hati la benu, we ngu wu li mu ukeelese bibabana bi nde ubaabungala.

1 Timoteho 3:11

Bakadi ba bakeelisi ba libundu kaka ni bumosi, baafwana uba na likinzu, babaavele na makusa, babaakuta linyutu. Ka baba ba baasungama mu mambu moosi.

1 Timoteho 3:3

Mutumi libundu utwala uba ikolo-mbungu ve. Nde utwala uba nga ngaabi ve, ka nde afwana uba nga bulembo. Nde utwala uba nga a bisongi ve, tso wu avelekebele mbongo mu diisu.

Yaki 3:17

Ka muutu nga a dyele li libaamata hu yulu, ateehele na mutima wu atsyeme. Titswene, nde atondo isuusi, kulimini na nzuhili. Muutu mowuuna na kwili lingebe, na upalisa mbutu yimbwe. Nde a hubaasa burandu ve, na nde a hali kaka na muwala ve.

Yaki 4:11

Baana ba ngu, a litatasana benu na benu ve. Woosi wu uli mu utata mwana a ngu a nde, buve utsundasa nde, li mu urokolo Mikele na utsundasa myo. Buuna, pasi nde wu utsundasa Mikele, nde a hali mu ubwesalila myo ve, ka nde amiibinuha mutsundisi.

1 Peetelo 2:1

Ni mu buuna, siisaani mambu moosi mamabi. Nyahani mapfuta, muwala, nyengi, na makusa mu bana.

1 Peetelo 3:10

Ma baasonehe ni manima: «Muutu wu utondi uba na idiingu hi ibwe, na umono bilumbu bya kinya, nde afwana ubaavelekusa na ubaavelepfuta.

1 Peetelo 3:8

Ni mu buuna, baani benu boosi matsimi mamosi. Baani na kwili lingebe mu bana, na bulembo, na litondo li mutima na kulimini.

1 Peetelo 4:4

Bunuubu, ba baaveleyaba Nzambi, bali mu ukimuha bu benu laabwevelepfutana na bo hutso a mbiili bumbembo yi yalendolo iteesi. Isalu hya bo aka ubaatuha benu.

2 Peetelo 2:10

Nde usyembe homo, ba bali mu udyata mutso mapeyu ma bo ma musunya, na ba bali mu upenye lituma la Pfumu. Milongisi mi mapfuta momiina, myaluula mu nyeme na mu isaayi. Bo bali mu urokolo tso bisiha bya hu yulu, bi byaluula mu muyusu, hwavele umono boomo.

Yude 1:10

Ka baatu mobaniba bali mu urokolo bi bo baaveletsikaha. Na bi bo baayaba, bo baayaba byo we bibulu bya bwadi bi byavele buyedi. Mbiili moyina yili mu ubungasana bo.

Yude 1:8

Bumosi ka mu baatu ba baakotilili benu mu tswehi, bubaalooto ma mubaabehe tsumili mu manyutu ma bo. Bo bali mu urokolo lituma la Nzambi, na bo bubaatuha bapofi ba muyusu a hu yulu.