Tiite 3:14 - Musamu wu Mubwe

¹⁴ Baatu ba bisu ka bafwana uhwada mu uva linyutu mu uvanga mamabwe, mana bo bakumbasa ba bali na nzala likumbasa. Bo bavanga buuna, bo sa baba na tsongo.

Tiite 3:14 ပူးပေါင်းရင်းမြစ်များ

Yowani 15:16

A benu laasoolo me ve, ka me ni wu asoolo benu. Me miipa benu tumili moyiniyi: yenaani, butaani mbutu yi yukwilala. Buuna, pasi hi benu luuvondo huli Taata mu nduhi a me, nde sa ava benu hyo.

Yowani 15:8

Ŋa benu luubuta mbutu yindahi, na ŋa benu luumonehele bayihi ba me, ni ŋaana muyusu a Taata a me humonehele.»

Mavanga 18:3

Nde hapfuutini na bo, bu bo boosi baaba tsalu mosi. Nde atsahili huli bo, na bo baakasala itwadi. Isalu hya bo aba utuunga hu manzo ma ngooto.

Mavanga 20:35

Me amwese benu ti mu moosi, lafwaana ubaasala, mana libaakuumbasa biyaha. Yibwalaani monyi mu ma Pfumu Yisu nde mwakulu haleeli: “Kinya ya wu ubaava, yafulala ya wu ubaayaka.”»

Looma 12:13

Baakumbasaani baana ba ngu ba bali na nzala likumbasa, na baayakaani bubwe tangu yoosi, ba bali mu uya mu manzo ma benu.

Looma 15:28

Ŋa me umana isalu mohiina, na ŋa me upa bo pahu moyiina, me tsa nzyene hu Esipanye na me tsa pyohele huli benu.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

Filiipo 4:16

Ka tso ŋa me ambedi hu musyenge a Tesalonika, benu laatsindihi me likumbasa la mbongo tsindaha yoole, mu umana mapasi ma me.

Filiipo 4:17

Me a handi mu undeele buuna, mu ubwesaha uyaka bungodu ve. Hi me ndi mu utsaha ni ti, Nzambi asyeme benu mu bungodu bwa benu.

1 Tesalonika 2:9

Baana ba ngu, benu lili mu uyibwala monyi mu mapasi ma bisu na ikolili hya bisu. Ni mbuli bisu laakalongese benu Musamu wu Mubwe wa Nzambi hwavele ukolo. Bisu laakasala nyangu na butsuhu, mu ubweveleva mupfuna huli pasi nde ŋa hati la benu.

2 Tesalonika 3:8

Bisu a laavondi pasi muutu byudya bi bungondu ve. Ka bisu laakasala, nyangu na butsuhu, hutso ikolili na munyongi, mu uveleva muutu tso mumosi, mupfuna wu ubungala bisu.

Tiite 2:8

Mikuma mya we myafwana uba mi myaleme, mi baatu buuvelesa paha. We usa buuna, bambene ba we buukwa tsonyi, na uvelebaha dyambu li buusyembe bisu.

Tiite 3:8

Mo mali mambu ma mbuli. Na me tondi ti we kwilala mu usilasa misamu mominimi, mana ba buusa hiitu mu Nzambi, bahwada mu ubaavanga mamabwe. Mono ma mali mamabwe, na ma tsongo huli baatu.

2 Peetelo 1:8

Eye, tso benu lili na bisiha mobiina, na tso byo bipfuni mu benu, byo byutelemese benu mu usala. Na nzabili a Pfumu a bisu Yisu Kristo sa yibutala benu mimbutu.