Tiite 3:1 - Musamu wu Mubwe

¹ Yibwala libundu monyi, ti lo lafwana uyuhala na usiingala bakuutu na lituma la tsi. Lo lafwana uvangama mu ubaavanga moosi mamabwe.

Tiite 3:1 ပူးပေါင်းရင်းမြစ်များ

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

1 Timoteho 2:2

Sambila mu toni bapfumu, na mu toni a boosi ba bali na lituma. Sambila mu bo, mana bisu a benu liba na idiingu hya hyenze hyosi hutso a mbiili yi yafwana. Ni mu mbiili a bisu a benu, lu umwese ti bisu a benu baatu ba likinzu ŋa busu bwa Nzambi.

1 Timoteho 4:6

Tso we viidi mandongi momaana huli baana ba ngu, we uba musalili wu mubwe wa Yisu Kristo. We umwese ti, baamiibungala we mu mambu ma imiinu, na mu ndongisili yimbwe yi we ayaki na bukuhu.

1 Timoteho 5:10

Baafwana utiila nde imbangi mu mavanga mamabwe, bu nde habuhisi baana ba nde, bu hakayaka baatu bubwe. Bafwana utiila nde imbangi kaka, bu hakaswaha miilu mya baatu bangidi, bu hakakumbasa banga pumbu, na bu haba hakangama mu mavanga moosi mamabwe.

2 Timoteho 1:6

Ni mu buuna, me ndi mu unzibwala we monyi mu udukasana mbaahu bungodu. Ni hyese hya Nzambi hiina, hi we ayaki ŋa me atsuusili we myoho.

2 Timoteho 2:14

Yibwala maana moosi huli baatu boosi. Yibusa bo na ibahala hyosi, ŋa busu bwa Nzambi we mbangi, mu ubaavelekakana mu mikuma. Ukakana mohuuna a huli na tsongo ve. Hwo hubaalobese ba bubaatehe matswi, mu uyuha maana.

2 Timoteho 2:21

Ni mu buuna, tso muutu li mu uswaha linyutu la nde, na utahuha na mavanga mamabi maana, nde afwanina we bisalili bya tsalu, bya ngidi, huli nga byo, bya tsongo mu pasi mavanga mamabwe.

Tiite 1:16

Bo bali mu uleele ti bo baayaba Nzambi. Ka mavanga ma bo, mali mu umwese ti bo bubaatunala nde. Bo bali banga muwala, ba baavele na lisingala, na ba baavelesa isalu tso imosi hi ibwe.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

Tiite 3:14

Baatu ba bisu ka bafwana uhwada mu uva linyutu mu uvanga mamabwe, mana bo bakumbasa ba bali na nzala likumbasa. Bo bavanga buuna, bo sa baba na tsongo.

Tiite 3:8

Mo mali mambu ma mbuli. Na me tondi ti we kwilala mu usilasa misamu mominimi, mana ba buusa hiitu mu Nzambi, bahwada mu ubaavanga mamabwe. Mono ma mali mamabwe, na ma tsongo huli baatu.

2 Peetelo 1:12

Ni mu toni moyiina, me apfwana ubaayibwala benu monyi mu bisiha mobiina. Ka me nzabi ti benu laamikwayaba byo, na benu laamiikangama mu imbuli hi benu laayaki.

Yude 1:5

Eye, benu laamiikwayaba maana moosi nzyeni. Ka me ndi mu unzibwala benu monyi, buni Pfumu hayobili bisu Isereli hu tsi a Ngipiti. Na buni nde hadubi banga mutima ngototo.