Tiite 2:14 - Musamu wu Mubwe

¹⁴ Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

Tiite 2:14 ပူးပေါင်းရင်းမြစ်များ

Yowani 10:15

We bu Taata hayaaba me, me kaka anzaaba Taata. Na me umbaanzyeholo monyi a me mu mameme ma me.

Yowani 6:51

Me, me ndi lipa la monyi li laakulamana umata hu yulu. Tso muutu diidi lipa moliina, nde sa abaha monyi wu bilima na bilima. Lipa li me upa, ni musunya a me. Me ndi mu upa nde, mana baatu ba tsi babaha monyi.»

Mavanga 15:14

Simoni miibindula benu, buni Nzambi havoli kesili mu usoolo ba bu uba baatu ba nde, ŋa hati la ba baavele Bayudaayo.

Mavanga 15:9

Nde a hasa lisobosono ŋa hati la bo na bisu ve. Bu bo baasiidi hiitu mu Nzambi, nde atsyemisi ka mitima mya bo.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 9:36

Hwaba hu musyenge a Yafa, mukaasu nga hiitu mu Yisu, nga nduhi a Tabita, mbindulili a yo mu ndaha yi Bangeleke «Dolokasi» buve «tsyesi». Nde aba tangu yoosi ubaavanga mamabwe na ubaava likumbasa huli biyaha.

Ngalaatiya 1:4

Kristo wu asiinga, we bu hwaba litondo la Nzambi, mu uyeholo muvumu a nde we bungodu, mu uyobolo bisu mu masumu ma bisu, mu upatula bisu mu matwala ma mabi ma tsi moyiniyi.

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 3:13

Bu Kristo akituhi iloho hya tsingili ŋa mbuha a bisu, nde ayobili bisu mu tsingili Mikele. Ma baasonehe ma Ngidi mali mu uleele: « Aba wu baasinga, pasi nde wu akwa mu swe ŋa muti.»

1 Timoteho 1:15

Liniili ni dyambu la mbuli, li baatu boosi baafwana uyaka: Yisu Kristo amiiya ŋa tsi mu uyobolo banga masumu. Ka me wa tsomi ŋa hati la bo.

1 Timoteho 2:10

Ka bo baafwana umwese yoli-yoli a bo, mu mavanga mamabwe. Yiina ni mbiili yi yafwana mu bakaasu ba bubaayusa Nzambi.

1 Timoteho 2:6

wu ayehuli muvumu a nde we kodi, mu uyobolo baatu boosi mu masumu. Mu tangu yi yafwana, Nzambi amwesi Kristo we mbangi a libwe la nde.

1 Timoteho 6:18

Tuma bo babaavanga mamabwe, bo baba bisina mu mavanga mamabwe, mu umonehele banga a lehemene li ukabila bana.

Tiite 2:7

We mwakulu Tiite, afwana umwese mbiili yimbwe, mana baatu badukala ifwani hya we. Ndongisili a we, yafwana uba ya mbuli na yi likinzu.

Tiite 3:8

Mo mali mambu ma mbuli. Na me tondi ti we kwilala mu usilasa misamu mominimi, mana ba buusa hiitu mu Nzambi, bahwada mu ubaavanga mamabwe. Mono ma mali mamabwe, na ma tsongo huli baatu.

Yaki 4:8

Yasusahani huli Nzambi, na nde uyasusaha huli benu. Swahani myoho mya benu, benu baatu banga masumu. Tsyemesaani mitima mya benu, benu banga a moole-moole.

1 Peetelo 1:18

Benu liyabi mu ki talu Nzambi hafuti mu uyobolo benu mu idiingu hi hyavele a tsongo. Ni mbiili yi yavyasaana yina, yi bakaaha ba benu baalongisi benu. Nzambi a hafuti yo mu biloho bi bibaabiya we mbongo na woolo ve.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 2:12

Baani na mbiili yimbwe ŋa hati li bangoyi. Tso bo bakesi benu ti benu bavangi ba mamabi, bo sa bamono mbiili a benu yimbwe. Na bo sa bayusa Nzambi ilumbu hi nde hu uyamonehele.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Peetelo 3:18

Ka Kristo nde mwakulu amoni pasi ya nzyeni, mu toni masumu ma baatu. Nde wa tsiitsa, mu babaaveletsiitsa, mu ubita benu huli Nzambi. Baadubi nde mu linyutu, ka Nzambi asuuli nde mu Livupu.

1 Yowani 1:7

Ka tso bisu lili mu udyata mutso liyalala we bu nde mwakulu Nzambi ali mutso liyalala, bisu lili itwadi bana na bana. Na makila ma Mwana a nde Yisu, mali mu utsyemese bisu mu masumu moosi.

1 Yowani 1:9

Ka tso bisu lili mu usiinga masumu ma bisu ŋa busu bwa Nzambi, bisu laasuusa hiitu hya bisu mu nde, mu toni ati nde li wu akuha, mu unyahula masumu ma bisu na utsyemese bisu mu mamabi moosi.

1 Yowani 3:2

Baana ba ngu ba litondo, bunuubu bisu lika baana ba Nzambi. Ka, bisu a laayaaba buni bisu luuba mu bilumbu bya hu busu ve. Bisu liyabi linili: ŋa Kristo huyamonehele, bisu luufwanina na nde mu toni ati, bisu luumono nde we bu nde ali.