Tiite 2:12 - Musamu wu Mubwe

¹² Liyobolo mo lili mu ulongese bisu mu uveletahuha na Nzambi, na ubisa linyungi. Bisu livanga buuna mu tangu moyiniyi, bisu luuba na idingu hya tsiki, hya tsitsa na hi likinzu mu Nzambi.

Tiite 2:12 ပူးပေါင်းရင်းမြစ်များ

Luuka 1:6

Bo baboole baaba baasungama ŋa busu bwa Nzambi, na baakaduukala mikele mya Pfumu na tumili a nde we bu hwafwana.

Luuka 1:75

napa mu bungidi na butsiitsa bu bwafwana mu nde. Bisu libaasalila nde mu bilumbu byosi bi idiingu hya bisu.

Yowani 14:30

Me a hatsaali na tangu yi ndahi yi ubwetoyo na benu ve. Mu toni ati, pfumu a toto aka mu uya. Nde a hali na matwala ŋa yulu a me ve.

Yowani 6:25

Bo baasooli nde hu simu lina la dyanga na baaleeli nde: «Rabi, ki tangu we amiiyato huni?»

Mavanga 24:16

Ni mu buuna, me ndi mu utsa mifudi mu uveleba na dyambu lilibi hutso mutima a me, ŋa busu bwa Nzambi, na ŋa busu bwa baatu.»

Mavanga 24:25

Pahuli hakalongese bo, mu dyambu la mbiili yi yafwana ŋa busu bwa Nzambi, na buni hwafwana mu utuma nyutu, na mu dyambu la tsundusu a Nzambi yi yi uya. Humbisa uyuha maana, Felikisi abahi boomo na aleeli nde: «Maana mamiikuha loloyi. Ŋa me umbaha tangu, me tsambweteele we.»

Looma 12:2

A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.

Looma 6:12

Ni mu buuna, masumu utwala ubwetuma nyutu a benu yi yukwa ve, mu ubwesiingala linyungi la yo.

Looma 6:19

Me ndi mu unzambila mu imuutu, mana benu litsikaha ma me ndi ndeele. Ni bumosi kaka, benu layehuli binama bya benu mu buviha bu manzala ma bubembo, na bubi bu buli mu ubita muutu mu utuumbaha ŋa busu bwa Nzambi. Ni bumosi kaka, bunuubu,vaani linyutu la benu loosi mu buviha bu mavanga ma butsitsa, mu uba mu idiingu hi bungidi.

Looma 8:13

Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi.

Ngalaatiya 1:4

Kristo wu asiinga, we bu hwaba litondo la Nzambi, mu uyeholo muvumu a nde we bungodu, mu uyobolo bisu mu masumu ma bisu, mu upatula bisu mu matwala ma mabi ma tsi moyiniyi.

Ngalaatiya 5:24

Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

1 Tesalonika 4:7

Nzambi a hateele bisu mu ukangama mu ndyatili yi yasumaha ve, ka mu uba na mbiili yi bungidi.

1 Tesalonika 4:9

Mu ma mali mu utala dyambu li litondo li bumwana bu bungu, benu a lili na nzala ti basonehele benu ve. Mu toni ati Nzambi nde mwakulu amiilongese benu, buni benu laafwana ubaatondosono.

1 Timoteho 4:12

Muutu tso mumosi a hapenye bufudu bwa we ve. Ka hwada mu uba ifwani huli banga imiinu mu mikuma mya we, mu mbiili a we, mu litondo, mu imiinu na mu tsyemili mutima a we.

1 Timoteho 6:17

Leele huli banga busina ba tsi moyiniyi, baveleba na isayi. Leele bo bavelesa hiitu hya bo mu busina bu bubaadimbala, mu toni ati, bwo a buudinga ve. Ka nyaha babaasa hiitu hya bo mu Nzambi, wu ubaava bisu byosi bi byafulala, mana bisu liba mu kinya.

1 Timoteho 6:9

Ka ba bubaasaha uba bisina, baamiibwa mu lobese na mu mweto manzala mamabi ma maavele na tsongo. Manzala momaana mubaabiyasa baatu na ubita bo hu lipfu.

2 Timoteho 3:12

Boosi ba bali mu utondo udyata bu hwasungama mu Yisu Kristo, bu ubwana mbingisili.

2 Timoteho 4:10

Yanga yabiisala me, me aka siha, mu toni ati Demasi amiitimba me. Nde amiikangama mu makinya ma toto. Nde miiyene hu musyenge a Tesalonika. Keresenisi miiyene hu tsi a Ngalatiya, na Tiite hu tsi a Dalamatiya.

Tiite 3:3

Mu tonyi ati, bisu ka hu mbandu, laaba biyahudi, banga kene ŋa busu bwa Nzambi na ba baadunga. Bisu aba baviha ba linyungi na makinya ma toto moosi. Idiingu hya bisu aba hutso bukanyi na linyungi. Bisu laakabelele bana na laakabelesene bisu mo na bisu mo.

Yaki 1:27

Inzambi hi hyatsyeme na hi hyavele na tsumiili, ŋa busu bwa wu li Nzambi na Taata, ni mu ubaakumbasa bitsana na bakwili mutso minyongi mya bo. Inzambi hi hyatsyeme, ni mu uvelesumaha mu mambu mamabi ma tsi moyiniyi.

2 Peetelo 2:9

Ni mu buuna, Pfumu yaabi buni nde hu uyobolo mu malobese ba baakangama mu nde. Nde yaabi buni nde hukeelese ba bubaavanga mamabi mu usyembe bo, mu ilumbu hya tsundusu.

2 Peetelo 3:11

Mu toni ati bisiha byosi sa bidimbala, yabaani buni benu lafwana mu udyata! Mbiili a benu yafwana uba ya ngidi na yi Nzambi hatondo.

1 Yowani 2:27

Ka uto ti mu benu, Livupu li Kristo hapuhili benu, lili mu ukwilala mu benu. Ni mu buuna, benu a lili na nzala mulongisi mukima ve. Mu toni ati, Livupu moliina, libaalongese benu mambu moosi. Lo lili Livupu li imbuli, ka a li mapfuta ve. Ni mu buuna, kwilalaani ba baakangama mu Kristo, we bu Livupu la Ngidi laalongisi benu.

1 Yowani 2:6

woosi wu ubaaleele ti nde akwilala mu Nzambi, afwana kaka ubaadyata we bu Yisu Kristo hakadyata.

1 Yowani 5:19

Bisu liyabi ti bisu lili baana ba Nzambi, na tsi moyiniyi yoosi yili hutsina matwala ma Nga bubi.

Yude 1:18

Byo baayabisi benu: «Hu tsukusu a tangu, sa huba na bakwedi. Bo bukaakwede Nzambi na baatu ba nde. Na ba bukaadyata we bu huli matsimi mamabi, ma mu utahusa bo na Nzambi.»