Tiite 2:1 - Musamu wu Mubwe

¹ Ka we Tiite, longese ma maayelemene na ndongisili yi yasungama.

Tiite 2:1 ပူးပေါင်းရင်းမြစ်များ

1 Timoteho 1:10

Nzambi havanga Mikele, mu toni a baatu banga butsutsungu, ba bubaanyiha masambu babahala na babahala, babali mu usumbasa bambaahi mu buviha. Nzambi havanga kaka Mikele, mu toni a banga mapfuta, banga milabu mi mapfuta, na mu moosi ma maasobono na ndongisili yimbwe yi benu laayaki.

1 Timoteho 6:3

Tso muutu li mu ulongese mandongi makima, ma masobono na mambu ma mbuli ma Pfumu a bisu Yisu Kristo, buve ma masobono na ndongisili yi yibaayusa Nzambi,

2 Timoteho 1:13

Volo ifwani mu ndongisili ya mbuli yi me anzaabisa we, na hwada mu imiinu hya Nzambi. Titswene, hwada mu utondo baatu mutso itwadi hya na Yisu Kristo.

Tiite 1:9

Mukuutu libundu afwana uba muutu wu akangama na mifudi, mu mambu ma mbuli, ma maabambana na Tsangu ya Mbuli yi bubaalongese nde. Buuna, nde afwana uba muutu wu ubaahwadisa bakima, na wu ubaava bo ndongisili ya mbuli. Nde afwana uba na matwala ma usyembe ba bubaabisa ndongisili a nde.

Tiite 3:8

Mo mali mambu ma mbuli. Na me tondi ti we kwilala mu usilasa misamu mominimi, mana ba buusa hiitu mu Nzambi, bahwada mu ubaavanga mamabwe. Mono ma mali mamabwe, na ma tsongo huli baatu.

1 Peetelo 4:11

Tso muutu li na bungodu bu utoyo, nde afwana uyabisa Mambu ma Nzambi. Tso muutu li na bungodu bu usalisa bambahi, nde afwana usalila bwo na mifudi mi Nzambi ubaava nde. Saani buuna mana mu moosi, Nzambi ayaka muyusu mu Yisu Kristo, mu nde huli na muyusu na matwala mu bilima na bilima. Ameni!