Tiite 1:9 - Musamu wu Mubwe

⁹ Mukuutu libundu afwana uba muutu wu akangama na mifudi, mu mambu ma mbuli, ma maabambana na Tsangu ya Mbuli yi bubaalongese nde. Buuna, nde afwana uba muutu wu ubaahwadisa bakima, na wu ubaava bo ndongisili ya mbuli. Nde afwana uba na matwala ma usyembe ba bubaabisa ndongisili a nde.

Tiite 1:9 ပူးပေါင်းရင်းမြစ်များ

Mavanga 18:28

Ka mu mifudi myosi, nde akatungalala Bayudaayo ŋa kuungi la baatu boosi, na nde akamwese mu ma baasonehe ma Ngidi, ti Yisu ni Masiya.

1 Tesalonika 5:21

Ka baakengesaani pasi dyambu, baakangaani ma mali mamabwe.

2 Tesalonika 2:15

Ni mu buuna, baana ba ngu, telemaani ŋa benu lili na kangamaani mu ndongisili yi bisu laatoosili benu mu munywa, buve mu muhanda.

1 Timoteho 1:10

Nzambi havanga Mikele, mu toni a baatu banga butsutsungu, ba bubaanyiha masambu babahala na babahala, babali mu usumbasa bambaahi mu buviha. Nzambi havanga kaka Mikele, mu toni a banga mapfuta, banga milabu mi mapfuta, na mu moosi ma maasobono na ndongisili yimbwe yi benu laayaki.

1 Timoteho 1:15

Liniili ni dyambu la mbuli, li baatu boosi baafwana uyaka: Yisu Kristo amiiya ŋa tsi mu uyobolo banga masumu. Ka me wa tsomi ŋa hati la bo.

1 Timoteho 1:19

Kelese imiinu hya we na matsimi mamabwe. Bakima baamiitimba matsimi ma bo, na imiinu hya bo hyamiiyene mu nyamba.

1 Timoteho 4:9

Monwani musamu a mbuli wu baatu boosi baafwana usiinga hwavele a paha:

1 Timoteho 6:3

Tso muutu li mu ulongese mandongi makima, ma masobono na mambu ma mbuli ma Pfumu a bisu Yisu Kristo, buve ma masobono na ndongisili yi yibaayusa Nzambi,

2 Timoteho 1:13

Volo ifwani mu ndongisili ya mbuli yi me anzaabisa we, na hwada mu imiinu hya Nzambi. Titswene, hwada mu utondo baatu mutso itwadi hya na Yisu Kristo.

2 Timoteho 2:2

Buuna, ndongisili yi we ayuhi huli me, ŋa busu bu bambangi babalahi, tosele yo huli baatu ba lisunga, mana bo kaka batwala ulongese yo huli bakima.

2 Timoteho 2:25

Nde afwana usungaha mu bulembo, ba bubaatelemene nde, peleve Nzambi utwala usobo mbiili a bo, mu uyaba imbuli.

2 Timoteho 3:14

Ka we, kangama mu ma we ayiha mu bisu, na ma we ayaka mu mutima mumosi. We yabi huli na we ayiha mo.

2 Timoteho 4:3

Ka sa huba na tangu yi baatu bu ubwevelekunda ndongisili a mambu ma mbuli. Ka mu mapeyu ma bo mwakulu, bo sa bakangama mu ndongisili yi milongisi mi milahi, we bu hwafwana na mapeyu ma bo mwakulu.

Tiite 1:11

We afwana ukala bo mu utoyo. Mu tonyi ati, bo bali mu udimbasa imiinu hi mabuli ma baatu, mu ubaalongese ma mavelefwana. Bo bali mu ulongese mambu momaana, mu tonyi ati bo bayaka pfuta mu ngaabi.

Tiite 2:1

Ka we Tiite, longese ma maayelemene na ndongisili yi yasungama.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.