Tiite 1:8 - Musamu wu Mubwe

⁸ Ka nde afwana uba muyaki a byenyi, buuna ni bubwe. Nde afwana utondo mavanga mamabwe, muutu nga tsiki, wu asungama, wa ngidi, wu ayaba ukuka linyutu la nde.

Tiite 1:8 ပူးပေါင်းရင်းမြစ်များ

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Mavanga 24:25

Pahuli hakalongese bo, mu dyambu la mbiili yi yafwana ŋa busu bwa Nzambi, na buni hwafwana mu utuma nyutu, na mu dyambu la tsundusu a Nzambi yi yi uya. Humbisa uyuha maana, Felikisi abahi boomo na aleeli nde: «Maana mamiikuha loloyi. Ŋa me umbaha tangu, me tsambweteele we.»

1 Tesalonika 2:10

Benu lili bambangi ba bisu, napa Nzambi kaka. Mbiili a bisu ŋa busu bwa benu ba nga imiinu, yaaba yi yatsyeme, ya tsiitsa, yi yavele masyembo.

1 Timoteho 3:2

Mutumi libundu afwana uba wu avele masyembo, mulumi a mukaasu mumosi, nga mbiili yi yasungama, nga tsiki, nga butsitu na wu akuha. Nde afwana uba muyaki a byenyi na wu utwala ulongese libundu.

1 Timoteho 4:12

Muutu tso mumosi a hapenye bufudu bwa we ve. Ka hwada mu uba ifwani huli banga imiinu mu mikuma mya we, mu mbiili a we, mu litondo, mu imiinu na mu tsyemili mutima a we.

1 Timoteho 6:11

Ka we muutu a Nzambi, bata maana moosi. Saha mbiili butsitsa, muyusu a Nzambi, imiinu, litondo, mukami, na isusi.

2 Timoteho 2:22

Bata mapeyu ma bufudu. Duukala mbiili yi butsiitsa, yi imiinu, yi litondo, ya hyenze, yi itwadi na boosi ba bubaasambila Pfumu mu mutima wu atsyeme.

2 Timoteho 3:3

Baatu bu uba banga kamini-mutima, bu ubisa unongo na bambaahi, banga makusa, ba baavelekuta linyutu, banga a kasa, ba baabelele mamabwe.

Tiite 2:7

We mwakulu Tiite, afwana umwese mbiili yimbwe, mana baatu badukala ifwani hya we. Ndongisili a we, yafwana uba ya mbuli na yi likinzu.

1 Yowani 3:14

Bisu liyabi ti bisu laamiimata mu lipfu, mu uvyoho hu monyi mu toni ati, bisu libaatondo baana ba ngu ba bisu. Pasi nde wu aveletondo baana ba ngu a nde, li muutu wu akwa.

1 Yowani 5:1

Woosi wu ubaasa imiinu ti Yisu ni Kristo, li wu Nzambi habuta. Na woosi wu atondo Nzambi Taata, atondo kaka baana ba nde habuta.