Tiite 1:4 - Musamu wu Mubwe

⁴ Ni huli we Tiite, me ndi mu utsonehe muhanda mowunuwu. We ni mwana a me wu litondo mu itwadi hi imiinu hi hyapfuuta bisu a we. Nyaha Nzambi Taata na Kristo Yisu Mufuhisi a bisu, basyeme we na uva we hyenze!

Tiite 1:4 ပူးပေါင်းရင်းမြစ်များ

Luuka 2:11

Loloyi, hu bula bwa Davidi, bamiibutala benu Muyobili, ni nde Kristo, wu uli Pfumu.

Yowani 4:42

Na bo baakaleele huli mukaasu: «A hisaali ndulu mu toni imbangi hya we bisu limiisa imiinu ve. Ka bisu mwakulu limiiyuha nde, na bisu limiiyaaba ti mbuli, nde ni Muyobili a tsi.»

Looma 1:12

Buuve, hufulili bubwe ti, me na lehemene li uba ŋa hati la benu, mana liyakaani kwadisili mu itwadi. Kwadisili a benu mu imiinu hya me, na kwadisili a me, mu imiinu hya benu.

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

Ngalaatiya 2:3

Mono buni bo baavelituma mu ukete Tiite, wu aba na me, na wu aba Ngeleke.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

1 Timoteho 1:12

Me ndi mu upfutala matondo huli Yisu Kristo Pfumu a bisu, wu aviidi me matwala, mu toni ati nde amoni ti me ndi wu apfwana, mu ukuhasa isalu hya nde.

2 Timoteho 1:1

Me Pahuli, ilumbi hya Yisu Kristo, mu litondo la Nzambi. Me ndi ilumbi mu uyabisa monyi wu bilima na bilima, wu Nzambi hasiidi lahi huli ba baakangama mu Yisu Kristo.

2 Timoteho 1:2

Me ndi mu utsonehele we Timoteho, mwana a me wu litondo: Nyaha Nzambi Taata na Yisu Kristo, Pfumu a bisu bava we hyese, litondo na hyenze.

2 Timoteho 4:10

Yanga yabiisala me, me aka siha, mu toni ati Demasi amiitimba me. Nde amiikangama mu makinya ma toto. Nde miiyene hu musyenge a Tesalonika. Keresenisi miiyene hu tsi a Ngalatiya, na Tiite hu tsi a Dalamatiya.

Tiite 1:3

Mu tangu yi nde hasooli, Nzambi Mufuhisi a bisu, ayabisi mambu ma nde. Ndongisili moyiina ni yi nde haviidi me mu ulongese baatu.

Tiite 2:13

Ni buuna, bisu lafwana ukeele ilumbu hya kinya hi bisu lili mu usa hiitu. Ilumbu mohina, Nzambi a bisu wu munene, wu uli Mufuhisi a bisu Yisu Kristo, sa amonehele hutso muyusu a nde.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

2 Peetelo 1:11

Ka ni buuna Nzambi husiingasa benu kotili mu Ipfumu hi bilima na bilima, hya Pfumu na Muyobili a bisu Yisu Kristo.

2 Peetelo 2:20

Mu mbuli, hu li na baatu ba baamiinyaha uvanga mambu mamabi mamali mu utuma tsi. Mu toni ati, bo baayabi bubwe-bubwe Pfumu na Mufuhisi a bisu Yisu Kristo. Ka tso babwekulamana hutsina lituma li mavanga ma makulu, idiingu hya bo hya tsyelele sa ifulala pasi na hya tsomi.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!

2 Peetelo 3:2

Yibwalaani monyi, mu mambu ma mimbihuli mya ngidi myayabisi umata beleve. Yibwalaani kaka mukele wu Pfumu na Muyobili hatoosili benu, mu nzila bilumbi bya nde.

1 Yowani 5:14

Hiitu hi bisu lili na hyo huli Nzambi ni hinihi: tangu yoosi yi bisu lili mu uvondo isiha hi hyayelemene na litondo la Nzambi, nde li mu uyuhala bisu.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.