Ngalaatiya 6:8 - Musamu wu Mubwe

⁸ Woosi wu ubaakuna mu musunya, nde sa akuukaha bi byabolo; bi bibaabita hu lipfu. Ka woosi wu ubaakuna mu Livupu, nde wuuna sa akuukaha bya monyi wu bilima na bilima.

Ngalaatiya 6:8 ပူးပေါင်းရင်းမြစ်များ

Luuka 18:30

Tso nde tiimbi bo, Nzambi uva nde bi byafulala mu tangu moyiniyi, na hubusu, nde ubaha monyi wu bilima na bilima.»

Yowani 4:14

Ka muutu wu unywa mamba ma me upa nde, a hubwebaha peyu ve. Mamba ma me upa nde, sa makituha mutswe a nzali mu nde. Ni mutswe a nzali wu ukaapalisa mamba na mifudi, te mu monyi wu bilima na bilima.»

Yowani 4:36

Wu li mu ukuukaha muhunu ubaabaha pfuta a nde, na nde ubaakoolo mbutu, ni baatu ba buubaha monyi wu bilima na bilima. Buuna, wu li mu ukuna na wu li mu ukuukaha, bali mu kinya bo baboole.

Yowani 6:27

A lisala mu toni a byudya bi bibaabungana ve. Ka salaani mu toni a byudya bi bibaava baatu monyi wu bilima na bilima. Ni byudya bi Mwana a Muutu huva benu, mu toni ati Taata Nzambi amiikuma nde iliimbu, mu umwese ti nde amiisilasa lituma la nde.»

Looma 13:14

Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.

Looma 6:13

A liyeholo linyutu la benu mu masumu we bilwanili bi uvanga mamabi ve. Ka yeholwaani nyutu a benu mwakulu huli Nzambi, we baatu ba monyi ba bamiimata hutso lipfu. Na yeholwaani linyutu la benu loosi mu isalu hya Nzambi, we ilwanili hi uvanga mambu ma butsitsa.

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Looma 8:11

Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.

Looma 8:13

Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi.

Looma 8:6

Manzala ma musunya mubaabita hu lipfu. Ka usalila manzala ma Livupu, hubaava monyi na hyenze.

Ngalaatiya 6:7

Kebaani: Nzambi a bubaakwede ve. Bi muutu ubaakuna, ni bi nde ubaakukaha.

1 Timoteho 1:16

Ka Nzambi amiikwila me lingebe, wu uli wa tsomi mu banga masumu. Nde havangi buuna, mana nde amwese huli baatu mukami a nde. Nde avoli me we ifwani, mana bakima ba bu usa imiinu mu nde, bayaka monyi wu bilima na bilima.

Tiite 3:7

Nde hasidi buuna, mana bu buuteele bisu «ba bamiibinga» mu kolo-kolo a nde, bisu likituha babahi ba hiitu hya monyi wu bilima na bilima.

Yaki 3:18

Boosi ba bubaatondo hyenze ŋa hati la bo, bubaapalisa mbutu a hyenze na bubaakukaha mavanga mamabwe.

2 Peetelo 2:12

Ka milongisi mo mi mapfuta minimi, myafwana na bibulu bi byavele na buyedi. Bo bali we bibulu bi Nzambi havanga mu ukangama mu myeto, mana baduba byo. Milongisi mi mapfuta minimi, mili mu utuha bi bo baaveleyaba. Bo buukwa we bu bibulu bibaakwa.

2 Peetelo 2:19

Milongisi mi mapfuta mominimi, mili mu usa lahi huli baatu mobaana ti bo sa baba bunyanga bwosi. Ka bo mwakulu bali baviha ba mapeyu ma mali mu ubita hu lipfu. Mu toni ati, pasi muutu li muviha a hi hili mu utuma idiingu hya nde.

Yude 1:21

Kwilalaani ka hutso litondo la Nzambi, mu ukeele Pfumu a bisu Yisu Kristo. Mu bubwe bwa nde, benu luubaha monyi wu bilima na bilima.