Ngalaatiya 6:3 - Musamu wu Mubwe

³ Tso muutu li mu unyeme mu biita la nde, hwavele uba na tsongo, nde li mu upfuta nde mwakulu.

Ngalaatiya 6:3 ပူးပေါင်းရင်းမြစ်များ

Luuka 18:11

Mufarisi akasambila mutele hutso mutima a nde bunuubu: “Nzambi a me, me ndi mu upfutala we matondo, bu me apele we baatu bakima: ba bali bayibi, bababi, na banga mayamba. Baatu mobaana bali we mukambi limandu mowunuwu.

Mavanga 5:36

Hwavyohi mwana a tangu yindahi, muutu mumosi nduhi Tedaasi, akamonehele ti nde muutu wu munene. Baatu bebele na makama mana (400), baakaduukala nde. Ka bu baadubi nde, baatu boosi ba baakasa hiitu mu nde, baatsamuhi na buli la nde laanyambini.

Looma 12:16

Baani mu hyenze ŋa hati la benu. A liba na peyu mu bi byasyenoho ve, ka baasahaani bi byavelemonehele ŋa miisu ma baatu. A limonehele we bangeele benu mwakulu ve.

Looma 12:3

Mu toni bungodu bu Nzambi hava me mu bubwe bwa nde, me ndi mu upondo huli pasi nde mu benu, mu uveletsima ti nde alutaala bana. Ka nyaha pasi muutu mu benu aba we bu huli iteesi hya kabu li imiinu hi Nzambi hava nde.

Ngalaatiya 2:6

Ka mu ba baakamonehele we baatu ba baakomo, bupfumu bwa bo a bwaba na tsalu ŋa busu bwa me ve. Mu toni ati, Nzambi a hubaatondo burandu ve! Baatu mobaana a baakwihi me pasi hyo, hwavele litondo la me ve.

Ngalaatiya 2:9

Yaki, Peetelo na Yowani ba baaba makunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umwese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.

2 Timoteho 3:13

Ka baatu banga mavanga mamabi, banga a soho, bu usinzakagama mu bubi bwa bo. Bo bu usoho bakima, na bu udunga bo mwakulu.

Yaki 1:22

Basalilaani we bu mambu ma Nzambi mali mu uleele benu. A liba ndulu bayuhi ve. Benu livelesalila mo, benu lu upfuta benu mwakulu.

Yaki 1:26

Tso muutu li mu umonehele we musambili wa mbuli, hwavele ukuta limi la nde, nde li mu upfuta nde mwakulu, inzambi hya nde hya mu pu.

1 Yowani 1:8

Tso bisu lili mu uleele ti bisu a lili na masumu ve, bisu lili mu udunga bisu mwakulu. Buuna, imbuli a hili mu bisu ve.