Ngalaatiya 6:16 - Musamu wu Mubwe

¹⁶ Huli boosi ba bali mu usiingala ndongisili a me, me ndi mu undeele bunuubu: Nyaha hyenze na bubwe bwa Nzambi, biba mu bo na mu buli la Nzambi loosi!

Ngalaatiya 6:16 ပူးပေါင်းရင်းမြစ်များ

Yowani 1:47

Bu Yisu hamoni Natanayeli mu uyiila nde, nde aleeli nde: «Me lolo moni musi Isereli wa mbuli a mbuli. Bahala molinili kaka utwala upfuta!»

Yowani 14:27

«Me ndi mu utsiisa benu hyenze. Ni hyenze hya me, me ndi mu upa benu. Me a handi mu upa benu hyo, we bu baatu ba tsi bubaava ve. Nyaha mitima mya benu mivelehelene, na a liba na boomo ve.

Yowani 16:33

Me miinzabisa benu mambu momaana, mana benu likangama mu me, benu libaha hyenze. Benu sa libwana mbingisili ŋa tsi. Ka baani na ibahala! Me amimbingala tsi!»

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

Looma 4:12

Nde li kaka taata a ba baakete, ka a ba bubaabingalala ndulu ketili ve, ka ba bubaaduukala ifwani hi imiinu hya taata a bisu Abrahami, bu haba kini a baaketi ve.

Ngalaatiya 1:3

Nyaha Nzambi Taata a bisu na Pfumu a bisu Yisu Kristo, basyeme benu na bava benu hyenze.

Ngalaatiya 3:29

Umono ti benu lili ba Kristo, benu lili imbisa hya Abrahami. Na benu sa liba babyalili ba mukobe wu Nzambi hasiidi lahi huli Abrahami.

Ngalaatiya 5:16

Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve.

Ngalaatiya 5:25

Livupu laava bisu monyi. Buuna, livaani lo bunyanga mana lo lituma ndyatili a bisu.

Filiipo 3:16

Ka ndulu, mu itesi hi bisu a benu laamiito, lidyataani mu itwadi.

Filiipo 3:3

Bisu ni ba Nzambi ubaamono ti bisu laamilwata iliimbu hya ba Mukristo ba mbuli. A bo ve! Bisu lili mu uyusa Nzambi mu likumbasa li Livupu la nde. Bisu lili na nyeme mu Yisu Kristo, na hiitu hya bisu, a hili mu bi muutu hu utwala uvanga mu mifudi mya nde mwakulu ve.

Filiipo 4:7

Na hyenze hya Nzambi, hi hyalutala buyedi bwosi, hyukeelese mitima mya benu na matsimi ma benu mu Kristo Yisu.

1 Peetelo 1:3

Ba wu baasyeme Nzambi, Taata a Pfumu a bisu Yisu Kristo! Mu bunene bwa kwili a nde lingebe, nde amiiva bisu monyi wu munyatihi, mu tsuuhili a Yisu Kristo ŋa hati la babaakwa. Nde hasiidi buuna, mana bisu liba na hiitu hi hili monyi.

Yude 1:2

Nyaha kwili lingebe, hyenze na litondo bi byafulala, bava huli benu.