Ngalaatiya 5:24 - Musamu wu Mubwe

²⁴ Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

Ngalaatiya 5:24 ပူးပေါင်းရင်းမြစ်များ

Looma 13:14

Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.

Looma 6:6

Ni mu buuna, liyabaani ti, imuutu hya bisu a benu hya tsikulu baakomini hyo ŋa muti itwadi na Kristo. Mana itwadi hya bisu na masumu hitabuha, na libwevelebaani baviha ba masumu.

Looma 8:13

Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi.

Looma 8:9

Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve.

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

Ngalaatiya 3:29

Umono ti benu lili ba Kristo, benu lili imbisa hya Abrahami. Na benu sa liba babyalili ba mukobe wu Nzambi hasiidi lahi huli Abrahami.

Ngalaatiya 5:20

tsalili bifwita, bunganga, iboho, midiingu, nyengi mu bana, mitsotso, mafufu, kabwili, maakabu ma mabuli,

Ngalaatiya 6:14

Ka mu me, nyeme a me a yili mu biina byosi ve, ndulu mu kwili a Pfumu a bisu Yisu Kristo ŋa kuruwa. Mu nde mavanga mamabi moosi mamiikwa. Me kaka amiikwa ŋa busu bu mavanga ma tsi.

1 Peetelo 2:11

Bambaahi ba me ba litondo, benu lili bapyohi-nzila na byenyi ŋa toto moyiniyi. Ni mu buuna, me ndi mu upondo benu dyambu limosi: siisaani mapeyu ma musunya. Mapeyu momaana mubaalwanisa idiingu hya benu.