Ngalaatiya 5:22 - Musamu wu Mubwe

²² Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Ngalaatiya 5:22 ပူးပေါင်းရင်းမြစ်များ

Luuka 13:9

Tangu yi nde ubava mbutu, avelebuta, bakwanga nde.”»

Yowani 15:16

A benu laasoolo me ve, ka me ni wu asoolo benu. Me miipa benu tumili moyiniyi: yenaani, butaani mbutu yi yukwilala. Buuna, pasi hi benu luuvondo huli Taata mu nduhi a me, nde sa ava benu hyo.

Yowani 15:2

Pasi itabi hi hyakangama mu me na hi hyavele na mbutu, Taata ubaatsakula hyo. Na pasi itabi hi hili na mbutu, nde ubaatsyemese hyo, mana hyo hibwefulala ubuta mbutu.

Yowani 15:5

Me ni muti a viinye, benu lili bitabi. Muutu wu akangama mu me, na wu me akangama mu nde, ubaabuta mbutu yindahi, mu toni ati me upele, benu utwala usa pasi isiha ve.

Looma 14:17

Eye, Ipfumu hya Nzambi a hili dyambu la byudya, buve la byunywa ve. Ka hyo hyakangama mu butsitsa, hyenze na kinya, bi Livupu la Ngidi libaava.

Looma 15:14

Baana ba ngu, me ndodi lo, mitima mya benu myaluula mu matsimi mamabwe, na mu nzabiili yi yaayelemene. Na benu laaka mu iteesi hi uvasasana mandongi.

Looma 15:3

Eye, Kristo a hasahi libwe la nde mwakulu ve. Ka we bu ma Baasonehe ma Ngidi mali mu uleele: «Bituhi bi baakatuha we, byayaabwa ŋa yulu a me.»

Looma 15:30

Me ndi mu upondo benu liniili baana ba ngu, mu toni a Yisu Kristo na mu toni litondo li Livupu libaava: lwanaani itwadi na me mu uvondele me hyese huli Nzambi mu masambulu ma benu.

Looma 6:22

Ka bunuubu, bu lika bunyanga ŋa busu bu masumu, na bu lika baviha ba Nzambi, kaluha yi benu luubaha ni idiingu hi hyaluula mu nde, na tsukusu ni monyi wu bilima na bilima.

Looma 7:4

Ni bumosi kaka benu baana ba ngu a me, benu lamiikwa ŋa busu bu Mikele bu lili itwadi na nyutu a Kristo. Ka bunuubu benu laaka ba muutu mukima, nde wuuna wu asuuhi ŋa hati la babaakwa, mana bisu a benu libutaani mbutu yimbwe ŋa busu bwa Nzambi.

Looma 8:5

Eye, ba bali mu udyata mu matsimi ma imuutu, bo bubaasalila manzala ma musunya, ka ba bali monyi mu Livupu la Ngidi, bali mu usalila manzala ma Livupu.

Ngalaatiya 5:13

Baana ba ngu, benu lili ba baateele mu uba bunyanga. Ka ndulu, benu a lisalila bunyanga mobuuna, mu ukuhasa mapeyu ma musunya ve. Ka nyahani mukele litondo atuma benu, mana benu li baasalasana.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

2 Tesalonika 3:2

Baasambilaani kaka mu bisu, mana bisu liyoboho ŋa busu bwa baatu ba nga bukanyi, na mavanga mamabi. Mu toni ati, boosi a bali na imiinu ve.

1 Timoteho 3:11

Bakadi ba bakeelisi ba libundu kaka ni bumosi, baafwana uba na likinzu, babaavele na makusa, babaakuta linyutu. Ka baba ba baasungama mu mambu moosi.

1 Timoteho 4:12

Muutu tso mumosi a hapenye bufudu bwa we ve. Ka hwada mu uba ifwani huli banga imiinu mu mikuma mya we, mu mbiili a we, mu litondo, mu imiinu na mu tsyemili mutima a we.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 1:8

Benu laatondo Yisu, tso bu benu laavelemono nde. Benu libaasiila nde imiinu, tso bu benu laamaavelemono nde. Ni mu toni imiinu hya benu mu nde, benu lili mu kinya yi yafulala, yi muyusu, yi bu uveletwala uyelemese.

1 Peetelo 5:12

Me atsonihili benu muhanda mowunuwu wu mukusi, mu likumbasa la Silaasi wu me umbaapolo we mwana a ngu a me wu akuha mu imiinu. Me atsonihi nde, mu uhwadisa benu, na mu usilasa ti, benu hutso a hyese hya Nzambi laakangama.