Ngalaatiya 5:11 - Musamu wu Mubwe

¹¹ Ka mu ma mamiitala me, baana ba ngu, tso me ndi mu undoongese ketili, mu ki toni bali mu ubwetsuta me? Tso ni mu buuna, me undongese maana, musamu lipfu la Yisu ŋa muti, utwala ubwekubasa pasi muutu baku ve.

Ngalaatiya 5:11 ပူးပေါင်းရင်းမြစ်များ

Mavanga 16:3

Pahuli atondi udyenge itwadi na nde. Ni mu buuna, Pahuli haketi nde mu uva likinzu huli Bayudaayo ba ibiingi mohina. Nde hasiidi buuna, mu toni ati Bayudaayo mobaana, aba baayaba ti taata a nde Mungeleke ali.

Mavanga 21:21

Ka, mono ma baaleele mu we: we li mu ulongese huli Bayudaayo, ba bali mu utsahala ŋa hati li bibandu bikima, mu utimba mikele mya Moose. Baaleele ti, we li mu ulongese bo mu ubwevelekete baana ba bo, na mu ubweveleduukala bukulu bu Bayudaayo.

Mavanga 21:28

Bo baakafulaha: «Bisu Isereli, yakumbasaani bisu! Monwani muutu mowunuwu li mu uva huli boosi, matsyelo moosi, ndongisili yi yavelebambana na buli la bisu, na mikele mya Moose, na nzo a Nzambi. Ŋaniŋa, nde miiyakotese te ba baavele Bayudaayo mu litandala la nzo a Nzambi, na usumana mbuha ya ngidi yi!»

Ngalaatiya 2:3

Mono buni bo baavelituma mu ukete Tiite, wu aba na me, na wu aba Ngeleke.

Ngalaatiya 3:1

Benu bisu Ngalatiya, ba baavele buyedi! Na aloho benu? Baamwesi benu pa yalala, buni baakomini Yisu Kristo ŋa muti.

Ngalaatiya 4:29

Ka we mu tangu a tsomi, mwana wu baabuti mu makila akatsuta wu baabuti mu Livupu la Nzambi. Loloyi kaka, huli mu uvagama buuna.

Ngalaatiya 6:12

Boosi ba bali mu ukwamisa benu ketili, bali mu usaha umonehele mu imuutu hya bo. Bo bali mu ukwamisa benu ketili, mana a batsundasa bo we ba bali mu usa imiinu mu kwili a Kristo ŋa kuruwa.

Ngalaatiya 6:17

Bunuubu, muutu a habwesa me mangongo. Mu toni ati, bikidi bi me ndi na byo, ni biliimbu bi bili mu umwese ti me aka wa Yisu.