Ngalaatiya 5:1 - Musamu wu Mubwe

¹ Kristo ava bisu bunyanga mana bisu liba bunyanga mu mbuli. Ni mu buuna, hwadaani mu ubwevelefutaha hutso a ikoholo hi buviha.

Ngalaatiya 5:1 ပူးပေါင်းရင်းမြစ်များ

Luuka 5:38

Ka baafwana usyeholo malamu ma manyatihi mutso mirumbu mi minyatihi.

Mavanga 15:10

Bunuubu, mu hima lili mu usongo Nzambi, mu usaha ukwiha bayihi mupfuna, wu tso bakaaha ba bisu, tso bisu mwakulu, laaveletwala ubita?

Looma 6:14

Buuna, lisumu a lubweba na matwala mu benu ve. Mu toni ati, benu a lili hutso lituma li Mikele ve, ka hutso a hyese hya Nzambi.

Looma 6:18

Na bunuubu, bu benu limiiyoboho mu masumu, benu ka baviha ba mavanga ma butsitsa.

Looma 7:3

Tso ŋa mulumi a nde akini monyi, nde aba mukadi a bahala likima, nde sa aba mukasu mayamba. Ka tso mulumi a nde kwidi, nde ka bunyanga ŋa busu bu mukele. Na nde uba mukadi a bahala likima, hwavele uba mukasu mayamba.

Looma 7:6

Ka bunuubu, bisu a benu lika bunyanga ŋa busu bu Mikele, mu toni ati, bisu lili we babaakwa ŋa busu bu Mikele mi myakakotese bisu mu buviha. Mana bisu lisalila Nzambi hutso lituma li linyatihi li Livupu. Ka a husaali hutso lituma la tsikulu li mikele mibaasonehe ve.

Looma 8:15

Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!»

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Ngalaatiya 2:4

Bwavangimi buuna, mu toni a banga muwala ŋa hati la baana ba ngu, ba baayasohono na bisu na ubaakete bisu. Bo baakakete bisu, mu bunyanga bu laaba na bwo mu Yisu Kristo. Tsimi a bo, aba yi ufutala bisu hutso buviha.

Ngalaatiya 3:25

Ka bu imiinu hyamiiya, bisu a laasaala hutsina lituma la keedi mowuuna ve.

Ngalaatiya 4:26

Ka Yeruselemi ya hu yulu, yili bunyanga. Yo ni ngu a bisu.

Ngalaatiya 4:31

Ni mu buuna, baana ba ngu, bisu a benu a lili baana ba mukaasu wuli muviha ve. Ka bisu a benu baana ba mukaasu wuli bunyanga.

Ngalaatiya 4:9

Ka bunuubu, bu benu limiiyaaba Nzambi, buve, bu Nzambi amiyaaba benu, buni benu lu ubwefutahala hutso lituma li mavupu momaana? Mavupu ma mavele na matwala na tsongo, na ubwekituha baviha ba mo?

Ngalaatiya 5:13

Baana ba ngu, benu lili ba baateele mu uba bunyanga. Ka ndulu, benu a lisalila bunyanga mobuuna, mu ukuhasa mapeyu ma musunya ve. Ka nyahani mukele litondo atuma benu, mana benu li baasalasana.

Filiipo 1:27

Pasi bu buuyiila, dyataani we bu hwayelemene na Musamu wu Mubwe wa Kristo. Tso me nzidi, tso me pelinza, me mbanzuha babaaleele ti, benu laavangama mu matsimi mamosi, na lili mu usala itwadi mu mutima mumosi, mu ulwanila Musamu wu Mubwe wu bisu laayaki.

1 Tesalonika 3:8

Bunuubu, idiingu hya bisu hika lisuunga, mu toni ati benu limiikangama mu Pfumu mu idiingu hya benu.

2 Tesalonika 2:15

Ni mu buuna, baana ba ngu, telemaani ŋa benu lili na kangamaani mu ndongisili yi bisu laatoosili benu mu munywa, buve mu muhanda.

1 Peetelo 2:16

Badyataani we baatu ba bamiipala mu buviha. Ka bu benu laamiipala mu buviha, a litsima ti benu utwala uswehe mavanga ma benu mamabi ve. Ka baani baviha ba Nzambi.

2 Peetelo 2:19

Milongisi mi mapfuta mominimi, mili mu usa lahi huli baatu mobaana ti bo sa baba bunyanga bwosi. Ka bo mwakulu bali baviha ba mapeyu ma mali mu ubita hu lipfu. Mu toni ati, pasi muutu li muviha a hi hili mu utuma idiingu hya nde.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.