Ngalaatiya 4:5 - Musamu wu Mubwe

⁵ Mwana mo hayidi mu uyobolo ba baaba hutsina lituma li Mikele, na mu uva bisu bunyanga mu ukituha baana ba Nzambi.

Ngalaatiya 4:5 ပူးပေါင်းရင်းမြစ်များ

Luuka 1:68

«Muyusu huli Pfumu Nzambi mabuli ma Isereli, mu toni ati, nde ayidi mu uyobolo baatu ba nde.

Yowani 1:12

Ka boosi ba baayaki nde, na huli boosi ba baasiidi imiinu mu nde, nde aviidi bo muswa mu uba baana ba Nzambi.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Looma 10:4

Mu toni ati, Kristo ni kaluha Mikele mya Moose, mana boosi ba nga imiinu mu Yisu, baba ba butsiitsa ŋa busu bwa Nzambi.

Looma 8:14

Ni mu buuna, baatu boosi ba Livupu la Nzambi libaasungaha, bali baana ba Nzambi.

Looma 8:15

Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!»

Looma 8:19

Ka byosi bi Nzambi havanga, bili mu ukeele na lehemene, tangu yi Nzambi humwese muyusu a baana ba nde.

Looma 8:23

Ka ndulu a byosi bi Nzambi havanga bili mu ubima ve. Bisu kaka laaka na Livupu la Ngidi, we kabu latsomi li bungodu bu Livupu bu Nzambi hasiidi lahi. Bisu kaka lili mu ubima hutso mitima, tswamina Nzambi akitusa bisu baana ba nde na uva bunyanga mu nyutu a bisu mu mapasi.

Looma 9:4

Bo ni bisu Isereli: Nzambi akitusa bo baana ba nde. Nde amwese bo muyusu a nde, nde asiidi likoongo na bo, na aviidi bo Mikele, nde alahi bo buni bo baafwana uyuusa nde, na nde asiidi bo malahi.

Ngalaatiya 3:13

Bu Kristo akituhi iloho hya tsingili ŋa mbuha a bisu, nde ayobili bisu mu tsingili Mikele. Ma baasonehe ma Ngidi mali mu uleele: « Aba wu baasinga, pasi nde wu akwa mu swe ŋa muti.»

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 4:21

Leelaani ati me, benu ba litondi uba hutsina lituma li Mikele, benu a lili mu uyuha ma Mikele mili mu uleele ve?

Ngalaatiya 4:7

Ni mu buuna, we a hasaala muviha ve, ka we mwana. Mu toni ati we li mwana, we mubyalili mukobe, wu Nzambi haswehele baana ba nde.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

1 Peetelo 3:18

Ka Kristo nde mwakulu amoni pasi ya nzyeni, mu toni masumu ma baatu. Nde wa tsiitsa, mu babaaveletsiitsa, mu ubita benu huli Nzambi. Baadubi nde mu linyutu, ka Nzambi asuuli nde mu Livupu.