Ngalaatiya 4:30 - Musamu wu Mubwe

³⁰ Ka ma basonehe ma Ngidi, mali mu uleele bunuubu: «Binga muviha mowunuwu na mwana a nde. Mu toni ati, a hwafwana ti mwana wu mukaasu muviha abuta, akaba mukobe a taata na mwana wu mukaasu bunyanga abuta ve.»

Ngalaatiya 4:30 ပူးပေါင်းရင်းမြစ်များ

Yowani 8:35

Muviha a hali musi ibandu ve. Ka mwana ubaakwilala mu hyo.

Looma 11:2

Nzambi a hanyasula baatu ba nde hamiitswamina uyaaba ve. Yibwalaani monyi mu ma baasonehe ma Ngidi, ma mali mu ngu musamu wu mumbihuli Eliya ali mu unyongele Isereli ŋa busu bwa Nzambi:

Looma 4:3

Eye! Ma baasonehe ma Ngidi buni mu uleele: «Abrahami asiidi imiinu mu Nzambi, na Nzambi asiingi ti nde li wu akuha mu imiinu.»

Ngalaatiya 3:22

Ka ma baasonehe ma Ngidi, mali mu uleele ti toto yoosi yili hutso lituma li masumu. Toto yili yi yasumaha, mana banga a imiinu mu Yisu Kristo bayaka bungodu bu Nzambi hasiidi bo lahi.

Ngalaatiya 3:8

Nzambi aleeli mu mambu ma nde, ti nde sa akitusa babavele Bayudaayo mu uba baatu ba baakuha mu imiinu ŋa busu bwa nde. Ni mu buuna, nde abweleele huli Abrahami dyambu lilibwe li: «Nzambi sa asyeme bibandu bya ŋa toto byosi, mu toni a we.»

Ngalaatiya 4:22

Mu toni ati, mu mabuuku ma Moose baasonehe ti Abrahami abahi baana boole ba babahala. Mumosi wu a na mukaasu wu muviha, wuna na mukaasu wu bunyanga.

Ngalaatiya 4:31

Ni mu buuna, baana ba ngu, bisu a benu a lili baana ba mukaasu wuli muviha ve. Ka bisu a benu baana ba mukaasu wuli bunyanga.

Yaki 4:5

Benu libaatsima ti, Libuuku la Ngidi mu pu laatoyo ŋa baaleele ti: «Nzambi ubaasa bisu likwabi mu livupu li nde hasusa mu bisu.»