Ngalaatiya 4:3 - Musamu wu Mubwe

³ Bisu kaka ni pila mosi, bu laaba bikenyi, bisu laabeedi baviha ba mavupu ma mali mu utuma toto.

Ngalaatiya 4:3 ပူးပေါင်းရင်းမြစ်များ

Yowani 8:31

Yisu aleeli huli Bayudaayo ba baasiidi imiinu mu nde: «Tso benu likangimi mu mikuma mya me, mu mbuli benu lili bayihi ba me.

Mavanga 15:10

Bunuubu, mu hima lili mu usongo Nzambi, mu usaha ukwiha bayihi mupfuna, wu tso bakaaha ba bisu, tso bisu mwakulu, laaveletwala ubita?

Looma 7:14

Eye, bisu liyaabi ti Mikele ubaamata mu Livupu la Nzambi. Ka me, me ndi muutu wu akolo wu baamiisumbasa we muviha mu lisumu.

Looma 8:15

Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!»

Ngalaatiya 2:4

Bwavangimi buuna, mu toni a banga muwala ŋa hati la baana ba ngu, ba baayasohono na bisu na ubaakete bisu. Bo baakakete bisu, mu bunyanga bu laaba na bwo mu Yisu Kristo. Tsimi a bo, aba yi ufutala bisu hutso buviha.

Ngalaatiya 3:19

Tsalu Mikele aba ki yo? Baabwesi Mikele ndulu mu umwese huli baatu, mavanga ma bo mamabi. Sa huba buuna, nate bu imbisa hya Abrahami hi baasiili lahi, hyuya. Mikele mominimi bapofi baasanguli myo, humbisa a nzonzi mumosi, Moose.

Ngalaatiya 4:2

Nde li hutsina lituma la keedi a nde, na la baatu ba bali mu ukeelese busina bwa nde, nate mu tangu yi taata a nde hakese.

Ngalaatiya 4:24

Kuma moyiniyi, yili na mbindulili yi yasweme: bakaasu baboole bali mu umwese malahi moole. Lahi limosi mu mamoole, li baasiidi ŋa yulu isyelo hya Sinayi. Ni mu lo baabuti baana babali baviha, mu nzila ya Agali.

Ngalaatiya 4:25

Buuna Agali ni isyelo hya Sinayi hu tsi a Arabiya. Nde li mu ufwanina na Yeruselemi la loloyiniyi. Mu toni ati, nde li mu buviha na baana ba nde.

Ngalaatiya 4:31

Ni mu buuna, baana ba ngu, bisu a benu a lili baana ba mukaasu wuli muviha ve. Ka bisu a benu baana ba mukaasu wuli bunyanga.

Ngalaatiya 4:8

Hutsomi, benu aba a laayaba Nzambi ve. Benu laabedi baviha ba banzambi ba bali binzanzambi.

Ngalaatiya 4:9

Ka bunuubu, bu benu limiiyaaba Nzambi, buve, bu Nzambi amiyaaba benu, buni benu lu ubwefutahala hutso lituma li mavupu momaana? Mavupu ma mavele na matwala na tsongo, na ubwekituha baviha ba mo?