Ngalaatiya 3:28 - Musamu wu Mubwe

²⁸ A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

Ngalaatiya 3:28 ပူးပေါင်းရင်းမြစ်များ

Yowani 10:16

Me ndi na mameme makima ma maavele mutso a mumbu mo wunuwu. Me apfwana ubita kaka mo. Mo sa mayuha ndaha a me, na sa maba ndulu konge mameme mosi, mukeelisi kaka mumosi.

Yowani 11:52

Ka lipfu, a ndulu mu tsi Bayudaayo ve, ka napa mu upfuuta mu nyutu mosi, baana ba Nzambi boosi ba baamiitsamuha mu toto yoosi.

Yowani 17:11

Mwana tangu hoole, me a humbwemba mu tsi ve, me upfutaha huli we Taata. Ka uto ti bo, bo bali ba tsi. We wu li wa ngidi, keelese bo itwadi na we, we wu li itwadi na me. Mana bo baba muutu mumosi, we bu we na me lili muutu mumosi.

Looma 1:16

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 3:22

Nzambi ubaakuhasa baatu, mu nzila yi imiinu mu Yisu Kristo. Nde ali mu uvanga buuna, mu boosi ba butsiitsa mu nde. Mu toni ati, lisobosono love ŋa hati la bo:

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 9:24

Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo.

Ngalaatiya 3:14

Ni mu buuna, lisyeme li baasiidi Abrahami lahi, laatoodi kaka huli bangoyi, mu toni a Yisu Kristo, na mu nzila imiinu, bisu boosi lili mu uyaka Livupu li Nzambi asiidi lahi.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 4:14

Na mu bubeedu bwa me, bu bwakakwamisa benu, benu a laanyasuli me, tso ubelele me ve. Ka benu laayaki me we pofi a Nzambi, we Yisu Kristo nde mwakulu.

Ngalaatiya 5:24

Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

Ngalaatiya 5:6

Ka, mu Kristo Yisu hya tsoongo, ni imiinu hi hili mu umwese mavanga mu mukele litondo, ka a mu uba wu baakete, buve wu baavelekete ve.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

1 Timoteho 1:12

Me ndi mu upfutala matondo huli Yisu Kristo Pfumu a bisu, wu aviidi me matwala, mu toni ati nde amoni ti me ndi wu apfwana, mu ukuhasa isalu hya nde.

2 Timoteho 1:1

Me Pahuli, ilumbi hya Yisu Kristo, mu litondo la Nzambi. Me ndi ilumbi mu uyabisa monyi wu bilima na bilima, wu Nzambi hasiidi lahi huli ba baakangama mu Yisu Kristo.