Ngalaatiya 3:21 - Musamu wu Mubwe

²¹ Utwala mu uleele ti Mikele mili mu ulwanisa malahi ma Nzambi? Naana! Utwala uvangama ve! Tso baaviidi matwala huli mukele mu uva monyi huli baatu, buuna mukele akiikitusa baatu baba ba baakuha.

Ngalaatiya 3:21 ပူးပေါင်းရင်းမြစ်များ

Luuka 20:16

Nde sa aya, sa aduba basali mobana, na sa asombese ngundu huli basali bakima.» Baatu ba baadukili sahu bayuha buuna, bo baaleeli: «Lo utwala uvangama buuna ve!»

Looma 3:31

Ka buuna butondi uleele ti bisu ka tsoongo Mikele luufwinzala mu ukiisa imiinu? Naana! Ka bisu Mikele lili mu usilasa.

Looma 3:4

Ubila ve! Bisu laafwana uyaaba ti Nzambi li mbuli, na baatu boosi bali bapfuti, we bu ma baasonehe mali mu uleele ti: «Baatu baafwana utsikaha ti mu tangu yi we li mu utoyo, we li mu uleele Na tso batsundisi we, we afwana ubiinga.»

Looma 3:6

Naana! Tso nde a hali tsiitsa ve, buni nde huutsundasa baatu ba tsi?

Looma 9:31

ka ba ibandu hya Isereli ba baakasaha uba ba butsiitsa ŋa miisu ma Nzambi mu likumbasa li Mikele, a baatwali ukiinza Mikele ve.

Ngalaatiya 2:17

Ka bisu lili mu usaha uba ba baakuha mu bungodu bu laabaha mu Kristo. Ni mu uleele ti, bisu a lili mu uduukala Mikele mya bisu ve. Ka a mu uleele ti Kristo li mu ubita bisu mu usa masumu ve. Naana, a huli buuna ve!

Ngalaatiya 2:19

Mu ma maatala Mikele, me ndi we wu amiikwa na me a hatsaali hutsina lituma li bisiha mobiina ve. Buuna ni bu hwafwana, mana me mbaha monyi mu Nzambi. Baamikomene me ŋa muti a Kuruwa, itwadi na Kristo.

Ngalaatiya 2:21

Me a handi mu ubisa hyese hya Nzambi ve. Tso muutu li wu akuha ŋa busu bwa Nzambi mu nzila Mikele, buuna Kristo mu pu hakwidi.

Ngalaatiya 6:14

Ka mu me, nyeme a me a yili mu biina byosi ve, ndulu mu kwili a Pfumu a bisu Yisu Kristo ŋa kuruwa. Mu nde mavanga mamabi moosi mamiikwa. Me kaka amiikwa ŋa busu bu mavanga ma tsi.