Ngalaatiya 3:2 - Musamu wu Mubwe

² Me tondi ti benu liva me ndulu mvutu mu hyuhu mohinihi: Benu laayaka Livupu la Nzambi, mu toni a bu benu laakuhasa Mikele mya Moose myosi? Vooti mu toni ati benu laasiidi imiinu mu Musamu wu Mubwe wu benu laayuhi?

Ngalaatiya 3:2 ပူးပေါင်းရင်းမြစ်များ

Mavanga 15:8

Nzambi wu yaabi matswehi ma mitima mya baatu, aviidi huli ba baavele Bayudaayo Livupu la Ngidi. Nde haviidi bo Livupu la Ngidi, we bu hasiidi mu bisu, mu umwese ti nde a hatimba bo ve.

Mavanga 2:38

Peetelo akaali bo: «Sobwani mbiili, na pasi muutu mu benu batondehe mu nduhi a Yisu Kristo. Saani buuna, mana Nzambi amasa masumu ma benu. Ni huuna benu lu uyaka bungodu bu Livupu la Ngidi.

Mavanga 8:15

Bu bilumbi bibyole byatoodi hu Samariya, baasambili mu banga hiitu mana bo bayaka Livupu la Ngidi.

Looma 1:17

Ni mu buuna, Musamu wu Mubwe li mu umwese bunuubu: Nzambi ubaatsikaha butsiitsa bwa baatu, mu tangu yi bo bali mu usa hiitu mu nde, we bu baasonehe mu ma Ngidi: «Mutsiitsa uba monyi mu imiinu.»

Ngalaatiya 3:14

Ni mu buuna, lisyeme li baasiidi Abrahami lahi, laatoodi kaka huli bangoyi, mu toni a Yisu Kristo, na mu nzila imiinu, bisu boosi lili mu uyaka Livupu li Nzambi asiidi lahi.

Ngalaatiya 3:3

Buni benu lu utwala uba na butsudu bwa pila yi? Bi benu laabandiha mu Livupu la Nzambi, benu litondi usukasa mu mifudi mya benu mwakulu?

Ngalaatiya 3:5

Ni buuna, Nzambi wu ava benu Livupu la nde na wu li mu uvanga bipadi ŋa hati la benu, a hali mu ukuhasa maana mu toni ati benu lili mu udyata hutso Mikele mya nde ve. Ka mu toni, ati benu lili mu usa imiinu mu Musamu wu Mubwe.

1 Peetelo 1:12

Mambu ma Nzambi hayabisi bo ni manima: malumbi ma bo baakatoosele, a maba mu toni a bo ve, ka mu toni a benu. Bunuubu, ba bali mu uyabisa Musamu wu Mubwe, baatoosili benu malumbi momaana mu matwala ma Livupu la Ngidi, libaatsindihi umata hu yulu. Bapofi bo mwakulu kaka, bubaatoondo uyaba mambu momaana.