Ngalaatiya 3:17 - Musamu wu Mubwe

¹⁷ Me tondi uleele bunuubu: Nzambi abandihi usa lahi we bu hwafwana. Mikele mya Moose mi myayidi humbisa maakama mana maku matatu ma bilima, utwala ufwinzala kesili moyiina, tso umaasa lahi la Nzambi ve.

Ngalaatiya 3:17 ပူးပေါင်းရင်းမြစ်များ

Yowani 1:17

Ni mbuli, Nzambi asalili Moose mu uva bisu Mikele. Ka ni mu Yisu Kristo, Nzambi habehili bisu hyese na imbuli bya nde.

Mavanga 7:6

Nzambi aleeli Abrahami bunuubu: “Bikiisa bya we byutsahala mu tsi bumwenyi, hu bu ukitusa bo baviha. Huuna bu unyongese bo mu makama mana (400) ma bilima.

Looma 3:25

Ni nde Nzambi hayehuli we bungodu, mu ufwinzala mu makila ma nde, masumu ma boosi ba bubaasiila nde imiinu. Nzambi havangi buuna, mu umwese butsiitsa bwa nde, mu toni ati, mu tangu a tsomi, nde a hasyembi baatu mu masumu ma bo ve.

Looma 3:3

Mu mbuli, tso Bayudaayo bakima baabisi usa imiinu. Pelili a bo imiinu, utwala ufwinzala butsiitsa bwa Nzambi?

Ngalaatiya 3:15

Baana ba ngu, me polo benu ifwani mu mbiili a bisu ya pasi ilumbu, mana benu litsikaha ma me tondi uleele: ŋa muutu amiisonehe lahi la nde bu hwafwana, teehele nde mu ukwa, tso muutu mumosi utwala utuna lo, tso ubwese iloho imosi ŋa yulu ve.

Ngalaatiya 3:21

Utwala mu uleele ti Mikele mili mu ulwanisa malahi ma Nzambi? Naana! Utwala uvangama ve! Tso baaviidi matwala huli mukele mu uva monyi huli baatu, buuna mukele akiikitusa baatu baba ba baakuha.

Ngalaatiya 5:16

Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve.

Ngalaatiya 5:4

Benu ba libaasaha usungama ŋa miisu ma Nzambi, ndulu mu kuhisili Mikele, benu laamiitahuha na Kristo. Benu lamiipala mu lisyeme la Nzambi.

1 Peetelo 1:20

Nzambi asooli nde tswamina paangili a tsi, na mu libwe la benu, nde ayabisi benu Kristo mu tangu mo ya tsyelele yi.