Ngalaatiya 3:14 - Musamu wu Mubwe

¹⁴ Ni mu buuna, lisyeme li baasiidi Abrahami lahi, laatoodi kaka huli bangoyi, mu toni a Yisu Kristo, na mu nzila imiinu, bisu boosi lili mu uyaka Livupu li Nzambi asiidi lahi.

Ngalaatiya 3:14 ပူးပေါင်းရင်းမြစ်များ

Luuka 11:13

Ni mu buuna, tso benu ba lili banga bubi, benu li yaabi uva baana ba benu bisiha bibibwe. Tandisini a Taata wa hu yulu, buni nde hu uveleva Livupu la Ngidi huli boosi ba bali mu uvondo nde lo!»

Luuka 24:49

Buuna, me tsa tsindaha me mwakulu ŋa yulu a benu, wu Taata a me hasiidi lahi. Ka benu, kwilalaani hutso musyenge nate bu benu lu uyaka matwala ma Livupu la Ngidi.»

Yowani 7:39

Yisu haleeli buuna, mu toni a Livupu la Nzambi li boosi ba baasiidi imiinu mu nde, baafwana uyaka. Mu tangu moyiina, Nzambi aba kini a haviidi Livupu ve, mu toni ati Yisu aba kini a hayaki muyusu ve.

Mavanga 2:33

Baasyenuli nde, mu uba ŋa mbahala a Nzambi. Na nde miiyaka Livupu la Ngidi huli Taata, we bu Nzambi hasiidi lahi. Nde amiiyitala lo ŋa yulu a bisu, we bu benu lili mu umono na uyuha bunuubu.

Mavanga 4:12

Liyobolo ndulu mu nde lili. Mu tsi yoosi, Nzambi a hava muutu mukima ve ŋa hati la baatu, wu ufuuhasa bisu a benu.»

Mavanga 5:32

Bisu lili bambangi ba misamu momiina, bisu na Livupu la Ngidi, li Nzambi havidi ba bali mu usiingala nde.»

Ngalaatiya 3:16

Ni buuna ka, Nzambi hasiidi malahi ma nde huli Abrahami na huli mwana a nde. Ma baasonehe a mali mu uleele ve ti: «Huli baana ba nde». Ka we wu uleele ti, hi hyabaha babalahi. Ma basonehe ma Ngidi mali mu uleele ti: «Huli mwana nde.» Ni mu umwese ti ndulu muutu mumosi akangama mu lo, ni Kristo.

Ngalaatiya 3:2

Me tondi ti benu liva me ndulu mvutu mu hyuhu mohinihi: Benu laayaka Livupu la Nzambi, mu toni a bu benu laakuhasa Mikele mya Moose myosi? Vooti mu toni ati benu laasiidi imiinu mu Musamu wu Mubwe wu benu laayuhi?

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 3:9

A lifutala lilibi mu lilibi ve, tso ituhi mu ituhi ve. Ka futalaani bunuubu: «Nyaha Nzambi asyeme benu!» Mu toni ati, ni muliina Nzambi hateele benu, mana benu liyaka lisyeme.