Ngalaatiya 2:9 - Musamu wu Mubwe

⁹ Yaki, Peetelo na Yowani ba baaba makunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umwese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.

Ngalaatiya 2:9 ပူးပေါင်းရင်းမြစ်များ

Luuka 22:8

Yisu atsindihi Peetelo na Yowani hu busu na aleeli bo: «Yavangilaani bisu ilaambu hya Paake.»

Yowani 1:42

Na nde abiti Simoni huli Yisu.Yisu atali nde swii, na aleeli: «We ni Simoni, mwana a Yowani. Sa bateele we Kefasi.» Kefasi mbindulili ti: «Manya».

Mavanga 12:17

Mu hoho hwa nde, Peetelo avondi bo mu ubaa «swii». Na nde ayabisi bo buni Pfumu hapalisi nde mu tso a kondaayi. Nde abwebwese: «Yayabisaani mambu mo maaniima huli Yaki na huli baana ba ngu bakima.» Titswene, nde apali na ayeni tsyelo kima.

Mavanga 15:13

Bu bo baamani uyambila, Yaki avoli munywa na aleeli: «Baana ba ngu, yuhani me!

Mavanga 15:7

Humbisa usobosono minywa, Peetelo atelimi na aleeli bo: «Bana ba ngu ba me, benu liyabi umata beleve, ti Nzambi asooli me ŋa hati la benu. Nzambi asooli me, mana me nzanzaabisa Musamu wu Mubwe huli ba baavele Bayudaayo, mana bu bo buyuha nde, bo basa hiitu mu Nzambi.

Mavanga 4:36

Hwaba na muutu mumosi nduhi Yosefi, wu baabuti hu iliiŋa hya Kipere, wu ibandu hya Levi. Bilumbi byakateele nde Baranabasi, mbindulili a nduhi ti: «wu ubaabombesele».

Looma 1:5

Ni mu toni a Yisu, Nzambi haviidi me hyese hyuba ilumbi hya nde. Mu ubita baatu ba bibandu byosi, mana basiila nde imiinu na basiingala nde.

Looma 12:3

Mu toni bungodu bu Nzambi hava me mu bubwe bwa nde, me ndi mu upondo huli pasi nde mu benu, mu uveletsima ti nde alutaala bana. Ka nyaha pasi muutu mu benu aba we bu huli iteesi hya kabu li imiinu hi Nzambi hava nde.

Looma 15:15

Ka me miitsonehele benu na mwana wasa, hutso mihanda mu mambuha mamalahi, mu uyibwala benu monyi, mu ma benu laamiikwayaba. Me atsonehe buuna, mu toni a hyese hi Nzambi hava me,

Ngalaatiya 1:16

Tangu yi nde havoli kesili mu ubangula me Mwana a nde, mana me nzabisa Musamu wu Mubwe huli ba baavele Bayudaayo, me a hapondi buyedi huli pasi muutu ve.

Ngalaatiya 1:18

Humbisa bilima bitatu, me akumisi hu Yeruselemi, mu uyabana na Peetelo. Me apyosi bilumbu kuumi na bitaanu huli nde.

Ngalaatiya 2:1

Titswene, humbisa bilima kuumi na bina, me ambwekumasa hu musyenge a Yeruselemi, bisu a Baranabasi. Me ambiti kaka Tiite.

Ngalaatiya 2:2

Me anzyeni huuna mu nzabisili yi Livupu. Me anzaabisi bo Musamu wu Mubwe, wu me umbandongese ŋa hati la ba baavele Bayudaayo. Me ambahi imoho hya ŋa muvanga, na ba baakomo hutso libundu. Titswene, me a hantondi ve ti isalu hi me atsidi hu tsomi, na hi me ndi mu utsa loloyi, hiba hya mupu.

Ngalaatiya 6:3

Tso muutu li mu unyeme mu biita la nde, hwavele uba na tsongo, nde li mu upfuta nde mwakulu.

1 Timoteho 3:15

Ka tso nziili a me yitambi, yaba buni we afwana udyata mu nzo a Nzambi. Ni libundu la Nzambi a monyi, wu li kunzi lilinene, na ibene hi imbuli.

1 Yowani 1:3

Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.