Ngalaatiya 2:8 - Musamu wu Mubwe

⁸ Nzambi wu ateeli Peetelo mu uba ilumbi hya nde huli buli la ba baakete, ateeli kaka me, mana me mba ilumbi hya nde huli bangoyi.

Ngalaatiya 2:8 ပူးပေါင်းရင်းမြစ်များ

Mavanga 1:25

mana nde asala isalu hi bulumbi ŋa ikiisa hya Yuda. Nde wuuna wu atimbi isalu hya nde, mu uyene hu mbuha yi yafwana na nde.»

Mavanga 1:8

Ka benu lu uyaka matwala, bu Livupu la Ngidi lukulamana ŋa yulu a benu. Benu lu uba bambangi ba me mu Yeruselemi, mu itanzi hya Yuda hyosi na hya Samariya, nate hu hwasuka toto.»

Mavanga 15:12

Na baatu boosi baasi swii. Buuna, Pahuli na Baranabasi baakayabisa bo bilimbu bya kimwili, na bipadi bi bo baasiidi mu matwala ma Nzambi, ŋa hati la ba baavele Bayudaayo.

Mavanga 19:26

Ka benu lili mu umono, tso uyuha ma mali mu uvyoho mu musyenge a Efeso, nate mu itanzi hya Asiya hyosi. Pahuli mowunuwu amiikingula matsimi ma makonge ma baatu, ti banzambi ba myoho mya baatu myavanga, a bali banzambi ba mbuli ve!

Mavanga 21:19

Pahuli ayava bo mabwehe. Humbisa, nde ayabisi bo moosi ma Nzambi havangi ŋa hati la ba baavele Bayudaayo.

Mavanga 22:21

Pfumu aleeli me: “Yene, na me tsa tsindaha we hu lala, huli ba baavele Bayudaayo.”»

Mavanga 4:4

Ka, ŋa hati la ba baayuhi mambu ma Nzambi, babalahi baasiidi hiitu mu Yisu. Buuna, litangu la baatu latodi bebele a biveeve bitanu (5000).

Mavanga 8:17

Buuna, Peetelo na Yowani baasuusili bo myoho, na bo baayaki Livupu la Ngidi.

Mavanga 9:15

Ka Pfumu afutili huli Ananya: «Yene, ka me miitsoolo nde mana me tsalila nde. Ni nde uyayabisa nduhi a me huli boosi ba baavele Bayudaayo na bapfumu ba bo, napa huli bisu Isereli.

Ngalaatiya 3:5

Ni buuna, Nzambi wu ava benu Livupu la nde na wu li mu uvanga bipadi ŋa hati la benu, a hali mu ukuhasa maana mu toni ati benu lili mu udyata hutso Mikele mya nde ve. Ka mu toni, ati benu lili mu usa imiinu mu Musamu wu Mubwe.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.