Ngalaatiya 2:4 - Musamu wu Mubwe

⁴ Bwavangimi buuna, mu toni a banga muwala ŋa hati la baana ba ngu, ba baayasohono na bisu na ubaakete bisu. Bo baakakete bisu, mu bunyanga bu laaba na bwo mu Yisu Kristo. Tsimi a bo, aba yi ufutala bisu hutso buviha.

Ngalaatiya 2:4 ပူးပေါင်းရင်းမြစ်များ

Luuka 5:38

Ka baafwana usyeholo malamu ma manyatihi mutso mirumbu mi minyatihi.

Mavanga 15:1

Mwa litangu la baatu ba baamati hu tsi a Yuda, baayato hu musyenge a Antyokya. Bo balongisi baana ba ngu ndongisili moyi: «Bavelekete benu we bu huli tumili mikele mya Moose, benu utwala uyoboho ve.»

Mavanga 15:24

Bisu laayuha ti baatu ba baamata huli bisu, baayakotese muyungisi na umwese benu boomo mu mambu ma bo. Ka, a bisu laatumasa bo mu dyambu moliina ve.

Mavanga 20:30

Ŋa hati la benu mwakulu, baatu sa baleele ma upfuta mu udimbasa libundu, mana bayihi bakima mu benu, baduukala bo.

Looma 8:15

Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!»

Ngalaatiya 1:7

Ka, a huli na Musamu wu Mubwe mukima ve. Bunuubu, huli na baatu ba bali mu usa muyungisi ŋa hati la benu, na ba batondi usobo Musamu wu Mubwe wa Kristo.

Ngalaatiya 4:25

Buuna Agali ni isyelo hya Sinayi hu tsi a Arabiya. Nde li mu ufwanina na Yeruselemi la loloyiniyi. Mu toni ati, nde li mu buviha na baana ba nde.

Ngalaatiya 4:3

Bisu kaka ni pila mosi, bu laaba bikenyi, bisu laabeedi baviha ba mavupu ma mali mu utuma toto.

Ngalaatiya 5:1

Kristo ava bisu bunyanga mana bisu liba bunyanga mu mbuli. Ni mu buuna, hwadaani mu ubwevelefutaha hutso a ikoholo hi buviha.

Ngalaatiya 5:10

Ka, mu bungodu bwa Pfumu, me ndi na hiitu mu toni a benu. Me ndi na imiinu ti benu a lu uba na matsimi ma maasobono na ma me ve. Ka, pasi nde wu li mu udungasa benu, nde sa ayaka tsingili a Nzambi.

2 Timoteho 3:6

Me nzalusa benu, huli na bakima ŋa hati la bo babali mu utsodomo we miibi mutso manzo na ubaasoho bakasu babaavele na dyele, ba baaluula na mipfuna mi masumu, ba baayunga na banga manzala ma pila mu pila.

Yaki 1:25

Ka muutu wu ubakengese mu mikele mya tsiki, mikele mi bunyanga, ubaakwilala mu myo. Nde a habaasuka ndulu mu uyuha ve, na a habaavusana myo ve, ka nde ubaasalila myo. Muutu wa pila yiina, umono kinya mu bisalili bya nde.

1 Peetelo 2:16

Badyataani we baatu ba bamiipala mu buviha. Ka bu benu laamiipala mu buviha, a litsima ti benu utwala uswehe mavanga ma benu mamabi ve. Ka baani baviha ba Nzambi.

2 Peetelo 2:19

Milongisi mi mapfuta mominimi, mili mu usa lahi huli baatu mobaana ti bo sa baba bunyanga bwosi. Ka bo mwakulu bali baviha ba mapeyu ma mali mu ubita hu lipfu. Mu toni ati, pasi muutu li muviha a hi hili mu utuma idiingu hya nde.

1 Yowani 4:1

Bambahi ba litondo, a lisiingala pasi livupu ve. Baatsikahani mavupu, mana benu liyaba ki livupu lili mu umata huli Nzambi. Mu toni ati, mimbihuli mi mapfuta mimilahi myamiitsamuha mu tsi.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.