Ngalaatiya 2:20 - Musamu wu Mubwe

²⁰ Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 2:20 ပူးပေါင်းရင်းမြစ်များ

Yowani 1:49

Na Natanayeli abweleele nde: «Rabi, we li Mwana a Nzambi, we li Mutumi Isereli!»

Yowani 10:11

Me, me ndi mukelisi mameme wu mubwe. Mukelisi mameme ubaayeholo monyi a nde mu mameme ma nde.

Yowani 15:13

Litondo li laalutala, ni ukwa mu toni bambaahi.

Yowani 17:21

Me ndi mu utsambila, mana boosi baba we muutu mumosi. Taata, nyaha bo baba itwadi mu we na me, we bu we li itwadi na me, na me ndi itwadi na we. Nyaha bo baba muutu mumosi, mana baatu ba tsi basa imiinu ti ni we atsindaha me.

Yowani 3:16

Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha monyi wu bilima na bilima.

Yowani 3:35

Taata ubaatondo Mwana, na amiiva bisiha byosi ŋa myoho mya nde.

Yowani 6:57

We bu Taata wu atsindaha me ali monyi, me ndi monyi mu toni a Taata. Bumosi kaka, muutu wu udya musunya a me sa aba monyi mu toni a me.

Yowani 6:69

Bisu lili mu usa imiinu, na bisu liyaabi ti we ni Kristo, wa Ngidi wu Nzambi hatsindaha!»

Mavanga 8:36

Bu baaba mu nzila, bo baayato ŋa mbuha mosi yi yaba na mamba. Buuna musi Etyopi aleeli: «Mono mamba, hima hyukondosono me mu uyaka tondihili a me?» [

Mavanga 9:20

Ni mu tangu moyina, Sahuli habaandihi ulongese Tsangu Yimbwe mu manzo ma masambulu ma Bayudaayo. Na nde akayabisa ti Yisu ni Mwana a Nzambi.

Looma 1:17

Ni mu buuna, Musamu wu Mubwe li mu umwese bunuubu: Nzambi ubaatsikaha butsiitsa bwa baatu, mu tangu yi bo bali mu usa hiitu mu nde, we bu baasonehe mu ma Ngidi: «Mutsiitsa uba monyi mu imiinu.»

Looma 14:7

A hu li na muutu ŋa hati la bisu a benu, wu li monyi mu toni a nde mwakulu ve. Na, a hu li kaka na muutu wu li mu ukwa mu nde mwakulu ve.

Looma 3:22

Nzambi ubaakuhasa baatu, mu nzila yi imiinu mu Yisu Kristo. Nde ali mu uvanga buuna, mu boosi ba butsiitsa mu nde. Mu toni ati, lisobosono love ŋa hati la bo:

Looma 4:25

Nzambi aviidi Yisu mu lipfu, mu toni masumu ma bisu. Na Nzambi asuuli nde, mana bisu liba ba baakuha.

Looma 5:2

Mu toni imiinu hya bisu mu nde, bisu lili na muswa mu ubaha hyese hi bisu luukwilala ba baavangama mu hyo. Na bisu lili na kinya, bu bisu lili na hiitu mu ukabasana muyusu a Nzambi.

Looma 5:6

Ni mu buuna, bu bisu laaba kini mifudi ve, Kristo akwidi mu toni a bisu banga masumu, mu tangu yi Nzambi hakese.

Looma 5:8

Ka mono buni Nzambi hamwesi bunene bu litondo la nde mu bisu: ŋa bisu laaba kini banga masumu, Kristo akwidi mu toni a bisu.

Looma 6:13

A liyeholo linyutu la benu mu masumu we bilwanili bi uvanga mamabi ve. Ka yeholwaani nyutu a benu mwakulu huli Nzambi, we baatu ba monyi ba bamiimata hutso lipfu. Na yeholwaani linyutu la benu loosi mu isalu hya Nzambi, we ilwanili hi uvanga mambu ma butsitsa.

Looma 6:8

Tso bisu a benu laakwa mu Kristo, bisu lili na hiitu ti bisu sa liba kaka monyi na nde.

Looma 8:10

Tso Kristo li mu benu, nyutu a benu sa yikwa hwa yo mu toni masumu, ka Livupu lili mu uva benu monyi, mu toni ati ba miikitusa benu ba tsiitsa ŋa busu bwa Nzambi.

Looma 8:37

Ka mu mambu momaana moosi, bisu laafulala mbiingili mu toni a nde wuuna wu atondo bisu.

Ngalaatiya 1:4

Kristo wu asiinga, we bu hwaba litondo la Nzambi, mu uyeholo muvumu a nde we bungodu, mu uyobolo bisu mu masumu ma bisu, mu upatula bisu mu matwala ma mabi ma tsi moyiniyi.

Ngalaatiya 2:16

Bisu liyaabi ti Nzambi ni wu ubaasa ti muutu aba wu akuha mu imiinu hya nde mu Yisu Kristo. Ka a bu nde ubaaduukala Mikele mya Moose ve. Mono buni bisu Bayudaayo kaka, laamiisa imiinu mu Yisu Kristo, mana bisu liba ba baakuha mu imiinu mu nde. Bisu a lili ba baakuha ŋa busu bwa Nzambi, mu kuhisili Mikele mominimi ve. Muutu tso mumosi utwala umonehele wu akuha ŋa busu bwa Nzambi, bu nde ubaakuhasa Mikele ve.

Ngalaatiya 3:11

Imbuli ni ti, a huli na muutu tso mumosi wu utwala uba wu akuha ŋa busu bwa Nzambi mu toni Mikele ve. Mu toni ati, hutso Muhanda Mikele baasonehe bunubu: «Woosi wu Nzambi hubaasa ti nde aba wu akuha mu imiinu hya nde, sa aba monyi.»

Ngalaatiya 5:24

Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

Ngalaatiya 6:14

Ka mu me, nyeme a me a yili mu biina byosi ve, ndulu mu kwili a Pfumu a bisu Yisu Kristo ŋa kuruwa. Mu nde mavanga mamabi moosi mamiikwa. Me kaka amiikwa ŋa busu bu mavanga ma tsi.

Filiipo 1:21

Ka mu me, Kristo ni idiingu hya me. Na lipfu, aka ni kaluha a me.

Filiipo 4:13

Me utwala ukunda mambu moosi, mu likumbasa la Kristo wu ubaahwadisa me.

1 Tesalonika 1:10

na mu ukeele bu Mwana a nde humata hu mayulu. Ni nde Nzambi hasuuli ŋa hati la babaakwa, Yisu wu uyobolo bisu ŋa busu bwa tsyembili a Nzambi yi yili mu uya.

1 Tesalonika 5:10

Yisu Kristo akwa mu toni a bisu, mana tso lili monyi buve babaakwa, bisu liba monyi itwadi na nde.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

1 Peetelo 1:8

Benu laatondo Yisu, tso bu benu laavelemono nde. Benu libaasiila nde imiinu, tso bu benu laamaavelemono nde. Ni mu toni imiinu hya benu mu nde, benu lili mu kinya yi yafulala, yi muyusu, yi bu uveletwala uyelemese.

1 Yowani 1:7

Ka tso bisu lili mu udyata mutso liyalala we bu nde mwakulu Nzambi ali mutso liyalala, bisu lili itwadi bana na bana. Na makila ma Mwana a nde Yisu, mali mu utsyemese bisu mu masumu moosi.

1 Yowani 4:14

Na bisu laamoni, na lili mu uta imbangi, ti Taata Nzambi atsindihi Mwana a nde Yisu Kristo, mu uba mufuhisi a tsi.

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.