Ngalaatiya 2:19 - Musamu wu Mubwe

¹⁹ Mu ma maatala Mikele, me ndi we wu amiikwa na me a hatsaali hutsina lituma li bisiha mobiina ve. Buuna ni bu hwafwana, mana me mbaha monyi mu Nzambi. Baamikomene me ŋa muti a Kuruwa, itwadi na Kristo.

Ngalaatiya 2:19 ပူးပေါင်းရင်းမြစ်များ

Looma 4:15

Mikele mibaateele kesi a Nzambi. Ka ŋa hwavele Mikele, kene mu Mikele ka yove.

Looma 5:20

Mikele myayidi mu umwese baatu masumu ma bo, na masumu maafulili bulahi. Ka huuna hu masumu maafulili, hyese hya Nzambi hyabwesinzafulala.

Looma 6:11

Ni bumosi kaka mu benu, yabaani ti, benu lili baatu babaakwa mu masumu. Na ti, benu lili kaka monyi mu Nzambi itwadi na Yisu Kristo.

Looma 6:14

Buuna, lisumu a lubweba na matwala mu benu ve. Mu toni ati, benu a lili hutso lituma li Mikele ve, ka hutso a hyese hya Nzambi.

Looma 6:2

Naana ubila ve! Bisu ti laamiikwa mu masumu, ka buni lutwala ubweba monyi mu masumu?

Looma 7:14

Eye, bisu liyaabi ti Mikele ubaamata mu Livupu la Nzambi. Ka me, me ndi muutu wu akolo wu baamiisumbasa we muviha mu lisumu.

Looma 7:4

Ni bumosi kaka benu baana ba ngu a me, benu lamiikwa ŋa busu bu Mikele bu lili itwadi na nyutu a Kristo. Ka bunuubu benu laaka ba muutu mukima, nde wuuna wu asuuhi ŋa hati la babaakwa, mana bisu a benu libutaani mbutu yimbwe ŋa busu bwa Nzambi.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 3:10

Ka babali mu usingama mu Mikele mya Moose, baamikoto mu tsingili, we bu baasonehe bunuubu: «Aba wu baasinga, woosi wu avelehwada mu usalila moosi ma baasonehe mutso muhanda Mikele.»

Ngalaatiya 3:24

Ni mu buuna, Mikele myaba we keedi wu ubita bisu huli Kristo. Mana bisu liba ba baakuha ŋa busu bwa Nzambi, mu nzila imiinu.

Ngalaatiya 6:14

Ka mu me, nyeme a me a yili mu biina byosi ve, ndulu mu kwili a Pfumu a bisu Yisu Kristo ŋa kuruwa. Mu nde mavanga mamabi moosi mamiikwa. Me kaka amiikwa ŋa busu bu mavanga ma tsi.

1 Tesalonika 5:10

Yisu Kristo akwa mu toni a bisu, mana tso lili monyi buve babaakwa, bisu liba monyi itwadi na nde.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»

1 Peetelo 4:6

Ni mu buuna, Yisu hayabisi Musamu wu Mubwe pa huli babaakwa. Humbisa uyaka tsundusu yi musunya we bu huli litondo la baatu, bo bu uba monyi mu Livupu, we bu huli litondo la Nzambi.