Ngalaatiya 2:14 - Musamu wu Mubwe

¹⁴ Me amoni ti ndyatili a bo a yaaba yi yasungama we bu Musamu wu Mubwe ali mu uvondo ve. Buuna, me anzabisi Peetelo ŋa busu bwa baatu boosi ti: «Mbiili a we wu li Muyudaayo, yili we mbiili bangoyi, ka a we bu hwafwana na mikele mi Bayudaayo ve. Uba ti ni buuna, buni we ukwamisa ba baavele Bayudaayo, mu udyata we bu hwafwana huli Bayudaayo?»

Ngalaatiya 2:14 ပူးပေါင်းရင်းမြစ်များ

Mavanga 10:28

Nde aleeli bo: «Benu liyabi ti mikele mya bisu myasa itombi huli Muyudaayo mu ubaambana na mwenyi, buve mu ukoto mu nzo a nde. Ka Nzambi amwese me ti, me a hapfwana umono muutu tso mumosi ti nde ibaabi ali ve, buve wu avele wa ngidi.

Mavanga 15:1

Mwa litangu la baatu ba baamati hu tsi a Yuda, baayato hu musyenge a Antyokya. Bo balongisi baana ba ngu ndongisili moyi: «Bavelekete benu we bu huli tumili mikele mya Moose, benu utwala uyoboho ve.»

Mavanga 15:24

Bisu laayuha ti baatu ba baamata huli bisu, baayakotese muyungisi na umwese benu boomo mu mambu ma bo. Ka, a bisu laatumasa bo mu dyambu moliina ve.

Mavanga 15:5

Bu bo baakava ikumbu, hwaba na mwana a kabu mu libundu moliina, ba baaba Bafarisi. Bo baatelimi, na baaleeli bu: «Bafwana ukete ba baavele Bayudaayo, na utuma bo mu ukiinza mikele mya Moose.»

Looma 14:14

Mu Pfumu Yisu, me nzaabi mu tsiki yoosi ti a hu li na isiha hi baasa ngidi mu hyo mwakulu ve. Ka tso muutu tsimi ti hu li na isiha hi baasa ngidi, buuna hyo hili hi baasa ngidi mu nde.

Ngalaatiya 1:18

Humbisa bilima bitatu, me akumisi hu Yeruselemi, mu uyabana na Peetelo. Me apyosi bilumbu kuumi na bitaanu huli nde.

Ngalaatiya 1:6

Me ndi mu ukimuha bu benu laaveletamba mu umiinguha Nzambi. Nde wu ateele benu mu hyese hya Kristo. Benu laaka mu ukiinguha mu uyuha Musamu wu Mubwe mukima.

Ngalaatiya 2:3

Mono buni bo baavelituma mu ukete Tiite, wu aba na me, na wu aba Ngeleke.

Ngalaatiya 2:5

Ka bisu a laayuhili bo tso tangu mosi ve, a laakulimini ka ŋa busu bwa bo ve, mana imbuli hi Musamu wu Mubwe hikwilala ŋa hati la benu.

Ngalaatiya 2:7

Ka bo baamoni ti Nzambi aviidi me mupfuna wu uyabisa Musamu wu Mubwe huli ba baavelekete. Ni bumosi kaka, huli Peetelo, nde avidi mupfuna wu uyabisa Musamu wu Mubwe huli ba baakete.

Ngalaatiya 2:9

Yaki, Peetelo na Yowani ba baaba makunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umwese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.

Ngalaatiya 6:12

Boosi ba bali mu ukwamisa benu ketili, bali mu usaha umonehele mu imuutu hya bo. Bo bali mu ukwamisa benu ketili, mana a batsundasa bo we ba bali mu usa imiinu mu kwili a Kristo ŋa kuruwa.

1 Timoteho 5:20

Syembe ba bubaasa masumu ŋa busu bwa baatu boosi, mana bakuutu bakima kaka, bamono boomo.