Ngalaatiya 1:7 - Musamu wu Mubwe

⁷ Ka, a huli na Musamu wu Mubwe mukima ve. Bunuubu, huli na baatu ba bali mu usa muyungisi ŋa hati la benu, na ba batondi usobo Musamu wu Mubwe wa Kristo.

Ngalaatiya 1:7 ပူးပေါင်းရင်းမြစ်များ

Mavanga 13:10

Nde aleeli: «We aluula mu mapfuta na bukanyi, mwana Mukuyi, muboho a byosi bibibwe! Tsikaha utengehe mavanga ma Pfumu ma maasungama.

Mavanga 15:24

Bisu laayuha ti baatu ba baamata huli bisu, baayakotese muyungisi na umwese benu boomo mu mambu ma bo. Ka, a bisu laatumasa bo mu dyambu moliina ve.

Mavanga 20:30

Ŋa hati la benu mwakulu, baatu sa baleele ma upfuta mu udimbasa libundu, mana bayihi bakima mu benu, baduukala bo.

Ngalaatiya 1:6

Me ndi mu ukimuha bu benu laaveletamba mu umiinguha Nzambi. Nde wu ateele benu mu hyese hya Kristo. Benu laaka mu ukiinguha mu uyuha Musamu wu Mubwe mukima.

Ngalaatiya 2:4

Bwavangimi buuna, mu toni a banga muwala ŋa hati la baana ba ngu, ba baayasohono na bisu na ubaakete bisu. Bo baakakete bisu, mu bunyanga bu laaba na bwo mu Yisu Kristo. Tsimi a bo, aba yi ufutala bisu hutso buviha.

Ngalaatiya 4:17

Baatu mobaana, ba bali mu usaha uyaabisa benu Musamu wu Mubwe mukima, lehemene la bo mu benu a lili li libwe ve. Bo bali mu usaha utahusa benu na me, mana benu likangama mu bo.

Ngalaatiya 5:10

Ka, mu bungodu bwa Pfumu, me ndi na hiitu mu toni a benu. Me ndi na imiinu ti benu a lu uba na matsimi ma maasobono na ma me ve. Ka, pasi nde wu li mu udungasa benu, nde sa ayaka tsingili a Nzambi.

Ngalaatiya 5:12

Ba bali mu ubehe budyabidi ŋa hati la benu, a basuka ndulu mu ukete ve. Bo ni bayene nate mu ukese nyutu a ibahala hya bo!

Ngalaatiya 6:17

Bunuubu, muutu a habwesa me mangongo. Mu toni ati, bikidi bi me ndi na byo, ni biliimbu bi bili mu umwese ti me aka wa Yisu.

2 Timoteho 2:18

Bo baamiitahuha na imbuli, na bo bali mu upfuta ba mukristo babalahi. Bo bali mu ubaalongese ti tsuuhili a baatu mu babaakwa, yamiikwavangama na a lafwana mu ubwekeele yo ve.

1 Yowani 2:26

Me miitsonehele benu mambu momanima, mu toni a baatu ba bali mu usaha udungasa benu.

1 Yowani 4:1

Bambahi ba litondo, a lisiingala pasi livupu ve. Baatsikahani mavupu, mana benu liyaba ki livupu lili mu umata huli Nzambi. Mu toni ati, mimbihuli mi mapfuta mimilahi myamiitsamuha mu tsi.

2 Yowani 1:10

Tso muutu yidi yamono benu, na ubehele benu ndongisili yi yaasoboono na ya Kristo, a liyaka nde mu nzo a benu, tso uva nde bwehe ve.

2 Yowani 1:7

Me ndi mu undeele buuna, mu toni ati, bapfuti babalahi baamiitsamuha mu tsi yoosi. Bo a bali mu usilasa ve ti, Yisu Kristo ayidi ŋa tsi mu nyutu musunya. Baatu ba pila yiina, ni bapfuti na baboho ba Kristo.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.