Ngalaatiya 1:4 - Musamu wu Mubwe

⁴ Kristo wu asiinga, we bu hwaba litondo la Nzambi, mu uyeholo muvumu a nde we bungodu, mu uyobolo bisu mu masumu ma bisu, mu upatula bisu mu matwala ma mabi ma tsi moyiniyi.

Ngalaatiya 1:4 ပူးပေါင်းရင်းမြစ်များ

Luuka 22:19

Titswene nde avoli lipa, afutili matondo huli Nzambi, abukili lo, akabili bo mu bitini na aleeli: «Yiniyi ni nyutu a me yi me piidi mu benu. Saani buuna mu uyibwala me monyi.»

Luuka 22:42

Yisu aleeli: «Taata, tso we tondi, maasila me mbuungu yi mapasi yiniyi. Nyaha litondo la we livangama, ka a la me ve.»

Yowani 10:11

Me, me ndi mukelisi mameme wu mubwe. Mukelisi mameme ubaayeholo monyi a nde mu mameme ma nde.

Yowani 12:31

Yiniyi ka ni tangu yi Nzambi hutsudasa baatu ba tsi moyiniyi. Nde ubinga hu mbadi pfumu wu mubi wa tsi moyiniyi.

Yowani 5:30

Me utwala usa pasi isiha mu me mwakulu ve. Me ubaatsuundasa we bu Taata ubaatuma me, na tsuundusu a me yili ya tsiitsa. Mu toni ati, me a handi mu utsaha usa litondo la me mwakulu ve, ka mu ukuhasa litondo la Taata wu atsindaha me.»

Yowani 6:38

Mu toni ati, tso me akulamana umata hu yulu, a mu uvanga litondo la me ve, ka mu kuhasa litondo la wu atsindaha me.

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

Looma 12:2

A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.

Looma 4:25

Nzambi aviidi Yisu mu lipfu, mu toni masumu ma bisu. Na Nzambi asuuli nde, mana bisu liba ba baakuha.

Looma 8:27

Na Nzambi wu ubaafundala idongi hi mitima, ubaabangula ma Livupu la Ngidi ubaatondo uvondo. Mu toni ati, Livupu libaasambila mu ba nde, we bu Nzambi ubaatondo.

Looma 8:3

Mambu ma Mikele mya Moose myakaveletwala uvanga, mu toni ikolili hi bumuutu, Nzambi avangi mo. Nde atsindihi Mwana a nde mu uba monyi mu linyutu li musunya, mana nde amaasa mukele lisumu, na uva lisumu tyembili mutso a nyutu.

Looma 8:32

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 6:14

Ka mu me, nyeme a me a yili mu biina byosi ve, ndulu mu kwili a Pfumu a bisu Yisu Kristo ŋa kuruwa. Mu nde mavanga mamabi moosi mamiikwa. Me kaka amiikwa ŋa busu bu mavanga ma tsi.

Filiipo 4:20

Muyusu aba huli Nzambi Taata a bisu, mu bilima na bilima! Ameni!

1 Tesalonika 1:3

Bisu lili mu uyibwala monyi pasi tangu ŋa busu bwa Nzambi Taata a bisu, mu toni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.

1 Tesalonika 3:11

Nyaha Nzambi Taata a bisu nde mwakulu na Pfumu a bisu Yisu, badibula bisu nzila yi uto nate huli benu.

1 Tesalonika 3:13

Nyaha nde ahwadisa mitima mya benu, mana benu liba bangidi, ba baavele masyembo ŋa busu bwa Nzambi taata bisu, ŋa Pfumu a bisu Yisu huuya na bapofi ba nde boosi. Amen!

2 Tesalonika 2:16

Mu hyese hya nde, Nzambi Taata a bisu atondo bisu, na nde ava bisu ibahala hi hyavele na tsukusu na hiitu hi hibwe. Nyaha nde na Pfumu a bisu Yisu Kristo nde mwakulu,

1 Timoteho 2:6

wu ayehuli muvumu a nde we kodi, mu uyobolo baatu boosi mu masumu. Mu tangu yi yafwana, Nzambi amwesi Kristo we mbangi a libwe la nde.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

Yaki 4:4

Bimbembo mobinibi! Benu a liyabi ve ti, utondo mambu ma tsi, ni ubelele hwa Nzambi? Ni mu buuna, tso muutu tondi uba mbaahi a tsi, nde aka muboho a Nzambi.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»

1 Peetelo 3:18

Ka Kristo nde mwakulu amoni pasi ya nzyeni, mu toni masumu ma baatu. Nde wa tsiitsa, mu babaaveletsiitsa, mu ubita benu huli Nzambi. Baadubi nde mu linyutu, ka Nzambi asuuli nde mu Livupu.

1 Yowani 2:2

Nde mwakulu asiingi ukwa we bungodu mu masumu ma bisu, mana Nzambi asa kolo-kolo. Nde unyahula masumu ma bisu, napa masumu ma baatu ba tsi yoosi.

1 Yowani 3:16

Mono buni lafwana uyaba litondo hima lo lili: Yisu Kristo ayehuli muvumu a nde mu bisu. Ni buuna, bisu kaka lafwana uyeholo mivumu mya bisu mu baana ba ngu a bisu.