Ngalaatiya 1:15 - Musamu wu Mubwe

¹⁵ Ka Nzambi asooli me tswamina mbutili a me. Na mu hyese hya nde, nde ateeli me mu uba musalili a nde.

Ngalaatiya 1:15 ပူးပေါင်းရင်းမြစ်များ

Luuka 10:21

Ndulu mu tangu moyina, Livupu la Ngidi laluusi Yisu mu kinya, na nde afulihi: «Taata, Pfumu a yulu na toto, me ndi mu uyusa we mu toni ati we miimwese huli bikenyi mambu ma we avelimwese huli biyedi. Eye, Taata, ni buuna bu we mwakulu atondo.

Mavanga 13:2

Ilumbu imosi, bu bo baakasambila Pfumu na bu bo baakadya ikaandi, Livupu la Ngidi laayabisi bo: «Vengolwani Baranabasi na Sahuli, mu toni isalu hi me ateele bo mu hyo.»

Mavanga 9:15

Ka Pfumu afutili huli Ananya: «Yene, ka me miitsoolo nde mana me tsalila nde. Ni nde uyayabisa nduhi a me huli boosi ba baavele Bayudaayo na bapfumu ba bo, napa huli bisu Isereli.

Looma 1:1

Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

Looma 1:5

Ni mu toni a Yisu, Nzambi haviidi me hyese hyuba ilumbi hya nde. Mu ubita baatu ba bibandu byosi, mana basiila nde imiinu na basiingala nde.

Looma 8:28

Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde.

Looma 8:30

Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.

Looma 9:24

Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo.

Ngalaatiya 1:1

Me Pahuli, wu li ilumbi hya Nzambi, me a handi ilumbi hya Nzambi mu tsolili a baatu, tso mu litondo la muutu ve. Ka me ndi ilumbi mu teelili a Yisu Kristo na Nzambi Taata, wu asuula nde ŋa hati la ba bakwa.

Ngalaatiya 1:6

Me ndi mu ukimuha bu benu laaveletamba mu umiinguha Nzambi. Nde wu ateele benu mu hyese hya Kristo. Benu laaka mu ukiinguha mu uyuha Musamu wu Mubwe mukima.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.