Ngalaatiya 1:10 - Musamu wu Mubwe

¹⁰ Na bunuubu, benu litsimi ti me ndi mu utsaha ti baatu basilasa me? Naana! Nzambi ni wu afwana usilasa me. Benu lili mu utsima ti me na nzala umonehele wu mubwe ŋa hati la baatu? Naana! Tso me ndi mu utsaha ti baatu bakubala me tsambi, me a hakiimba musalili a Kristo ve.

Ngalaatiya 1:10 ပူးပေါင်းရင်းမြစ်များ

Mavanga 12:20

Mu tangu moyina, Eloode aba na kesi a bisu Tiilo na bisu Sidoni. Ni mu buuna, baatu ba bitanzi mobiina baayuhisini mu uyamono Eloode. Humbisa baafuti mbongo huli Balasitusi, mukelisi itini hya nzo a pfumu. Bo baavangi buuna, mana Balasitusi ayalembesene Eloode mu uyuhasana na bo. Mu toni ati, byudya bya Tiilo na Sidoni ubaamata hu tsi a pfumu Eloode.

Mavanga 5:29

Buuna Peetelo na bilumbi bikima baafutili bo: «Hwafwana mu usiingala Nzambi, ka a baatu ve.

Looma 1:1

Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

Looma 2:29

Ka Muyudaayo wa mbuli ni wu li wa mu tswehi, wu baakete hutso mutima, mu ketili yi Livupu la Nzambi, kini a yi baasonehe mu Mikele ve. Muyudaayo wa mbuli, ni nde wuuna wu ubaayaka muyusu wu ubaamata huli Nzambi, ka a huli baatu ve.

Looma 2:8

Ka Nzambi umwese kesi na ifwefwe hya nde, huli boosi ba bubaatunala nde na ba bubaasiila nde kene. Mbiili moyiina, yibaatelemene imbuli na yibaasingasala mavanga mamabi.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

1 Tesalonika 2:4

Naana! Nzambi asusa bisu ŋa busu bwa lobese na nde ava bisu Musamu a nde wu Mubwe. Bisu a lili mu utoyo mu usaha muyusu a baatu ve, ka muyusu a Nzambi wu ayaaba matsimi ma mitima mya bisu.

Yaki 4:4

Bimbembo mobinibi! Benu a liyabi ve ti, utondo mambu ma tsi, ni ubelele hwa Nzambi? Ni mu buuna, tso muutu tondi uba mbaahi a tsi, nde aka muboho a Nzambi.

1 Yowani 3:9

Pasi muutu wu Nzambi habuta, masumu ubwesa ve mu toni ati, monyi wu ubaamata huli Nzambi, ubaakwilala mu nde. Nde masumu ubwesa ve mu toni ati, Nzambi ni wu abuta nde.