Mavanga 9:32 - Musamu wu Mubwe

³² Peetelo wu akataangila tsi yoosi, ayeni ilumbu imosi huli banga hiitu, ba baakatsahala hu musyenge a Lida.

Mavanga 9:32 ပူးပေါင်းရင်းမြစ်များ

Mavanga 1:8

Ka benu lu uyaka matwala, bu Livupu la Ngidi lukulamana ŋa yulu a benu. Benu lu uba bambangi ba me mu Yeruselemi, mu itanzi hya Yuda hyosi na hya Samariya, nate hu hwasuka toto.»

Mavanga 26:10

Ni mambu momaana me atsi ka hu Yeruselemi. Me anzaki lituma li bakuutu ba banganga ba Nzambi, na me akotisi mu kondaayi, babalahi mu ba baakasila Yisu hiitu. Na ŋa baakava kesili mu uduba bo, humbisa utsundasa bo, me akatsilasa.

Mavanga 8:14

Bu bilumbi bi byaba hu Yeruselemi byayuhi ti bisu Samariya baasiingi mambu ma Nzambi, bo baatsindihi Peetelo na Yowani.

Mavanga 8:25

Bu baamani uta imbangi mu Yisu Kristo, mu ubaayabisa mambu ma Pfumu, bilumbi bibyole byafutihi hu Yeruselemi. Mu nzila, bo baakayabisa Tsangu Yimbwe mu mala mamalahi ma Samariya.

Mavanga 9:13

Ananya afutili: «Pfumu, baatu ba balahi baabehele me tsangu a muutu mowunuwu na uyabisa mamabi ma nde ali mu uvangila ba we bangidi babali hu musyenge a Yeruselemi.

Mavanga 9:33

Huuna, nde amoni bahala limosi, nga nduhi a Ene, wu aba ararama mikangi. Nde aba baalaasa ŋa taangi umata bilima poombo.

Mavanga 9:41

Peetelo akangi hoho hwa nde na atelimisi nde. Nde ateeli banga hiitu na bakwili, na nde amwesi bo Tabita wu aba monyi.

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.