Mavanga 9:16 - Musamu wu Mubwe

¹⁶ Me tsa mwese nde me mwakulu, mapasi moosi ma nde humono mu nduhi a me.»

Mavanga 9:16 ပူးပေါင်းရင်းမြစ်များ

Yowani 15:20

Yibwalaani monyi mu mikuma mi me andeeli benu: “Musalili a hubaalutala pfumu a nde ve.” Tso baatsuti me, bo sa batsuta benu kaka. Tso baakeelisi mikuma mya me, bo sa bakeelese mikuma mya benu kaka.

Mavanga 14:22

Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi mamalahi, tswamina mu ukoto mu Ipfumu hya Nzambi.»

Mavanga 21:11

Nde avoli mudi a luungu wa Pahuli, akuti miilu na myoho mya nde mwakulu, na aleeli: «Yuhani mamali mu uleele Livupu la Ngidi: “Bahala nga mudi mowunuwu, Bayudaayo sa bakuta nde mu ifwani mohi hu Yeruselemi, na sa bayeholo nde ŋa myoho mya byenyi.”»

Mavanga 21:13

Ka Pahuli akaali: «Mu hima benu lili mu ulila na lili mu umwese me pasi mu mutima? Me ndi wu avangama, me Pahuli, ndulu a mu usa ti bakuta me ve. Ka napa mu ukwa hu musyenge a Yeruselemi, mu toni muyusu wu afwana mu Pfumu Yisu.»

Mavanga 21:4

Huuna, bisu laabiisi banga hiitu, na laatsahili bilumbu tsaambu na bo. Hutso a nzaabili Livupu la Ngidi, bo baaleeli huli Pahuli mu uveleyene hu musyenge a Yeruselemi.

Mavanga 9:14

Na nde miiya huni na lituma li bakuutu ba banganga ba Nzambi baaviidi nde, mu ukanga boosi ba bubaasambila we.»

Mavanga 9:6

Ka teleme, koto mutso musyenge mowuna, na huuna sa baleele we ma we afwana uvanga.»

1 Tesalonika 3:3

mana pasi muutu avelebwa hutso ikolili mu toni a mbingisili yi lili mu ubwana. Benu mwakulu liyabi lo, yiina ni kesili a Nzambi mu bisu.

2 Timoteho 1:12

Na, ni mu buuna, me ndi mu umono mapasi momanima. Ka me a handi na tsonyi ve, mu toni ati me nzabi mu na me atsa hiitu hya me. Me na hiitu mu nde, wu uli na matwala ma ukelese bi nde hava me, nate mu ilumbu hya tsundusu.

2 Timoteho 3:11

hutso a mbingisili na mapasi ma me. Ki mapasi me apelembwana na mo, hu misyenge mya Antyokya, Ikoniwumi na Lisitele! Ki mbingisili me apelekunda! Ka mu moosi, Pfumu ayobili me.

1 Peetelo 4:14

Ni kinya huli benu tso baatu bali mu utuha benu bu lili bayihi ba Kristo. Mu toni ati, Livupu la Nzambi li muyusu, lili na benu.