Mavanga 8:14 - Musamu wu Mubwe

¹⁴ Bu bilumbi bi byaba hu Yeruselemi byayuhi ti bisu Samariya baasiingi mambu ma Nzambi, bo baatsindihi Peetelo na Yowani.

Mavanga 8:14 ပူးပေါင်းရင်းမြစ်များ

Luuka 22:8

Yisu atsindihi Peetelo na Yowani hu busu na aleeli bo: «Yavangilaani bisu ilaambu hya Paake.»

Yowani 12:48

Muutu wu ubaanyanza me na uvelesiinga mambu ma me, amiibaha wu utsundasa nde. Ni mikuma mi me andeele myutsundasa nde, mu ilumbu hya tsyelele.

Mavanga 11:1

Bilumbi na baana ba ngu babaaba hu musyenge a Yuda, baayuhi ti baatu ba baavele Bayudaayo kaka, ba baasiingi mambu ma Nzambi.

Mavanga 15:4

Bu bo baatoodi hu Yeruselemi, libundu li Bakristo loosi, bilumbi na bakuutu ba libundu, baayaki bo. Pahuli na Baranabasi baayabisi bo moosi ma Nzambi havangi mu nzila na bo.

Mavanga 17:11

Bayudaayo ba hu Beere baaba na matsimi mamabwe ti, ba bali hu musyenge a Tesalonika, baayaki mambu ma Nzambi mu bunyanga bu mutima. Pasi ilumbu, bo baakataanga ma baasonehe ma Ngidi, mu utsikaha tso ma baakayabisa bo, mali ma mbuli.

Mavanga 2:41

Kabu li lilahi laasiingi mambu ma Peetelo hakaleele. Baatondihi bo mu nyahulili a masumu. Mu ilumbu mohiina, we biveeve bitatu (3000) bya baatu baabiisili kabu la banga hiitu.

Mavanga 8:1

Na Sahuli asilisi lipfu la Etyene. Ilumbu mo ni hiina, hwabaandihi mbingisili yinene mu Libundu la Yeruselemi. Banga hiitu boosi, vengo bilumbi, baatsamuhi mu bitanzi bya Yuda na Samariya.

Ngalaatiya 2:9

Yaki, Peetelo na Yowani ba baaba makunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umwese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

1 Tesalonika 3:2

Bisu latsindaha benu mwana a ngu a bisu Timoteho, wu li tsyengi a me mu isalu hya Nzambi, mu nzabisili a Musamu wu Mubwe wa Kristo. Bisu laatuma nde mu uhwadisa benu na uva benu mandongi mu toni imiinu hya benu,

2 Tesalonika 2:10

Nde usalila bubi bwa pila mu pila, mu usoho boosi ba buudunga. Bo buudunga mu toni ati, bo a baayaka tso utondo imbuli hi hyuyobolo bo ve.