Mavanga 8:12 - Musamu wu Mubwe

¹² Ka bu makonge ma baatu maasiidi hiitu mu Tsangu Yimbwe yi Filipo hakayabisa bo mu Ipfumu hya Nzambi na mu Yisu Kristo, babahala na bakaasu boosi baayaki tondihili.

Mavanga 8:12 ပူးပေါင်းရင်းမြစ်များ

Luuka 9:2

Nde atsindihi byo mu uyalongese mambu ma Ipfumu hya Nzambi, na ubeeloso babeedu.

Luuka 9:60

Yisu afutili nde: «Nyaha babaakwa badiiha babaakwa. Na we, yene ya yabisa baatu mambu ma Ipfumu hya Nzambi.»

Mavanga 1:3

Humbisa umono pasi yi lipfu, Yisu ayamonehele huli baatu mobaana, na umwese bo mu bilimbu bi bilahi, ti mbuli nde monyi ali. Nde ayamonehele huli bo, mu maku mana ma bilumbu. Mu tangu moyina, nde ayabisi bo mambu ma Ipfumu hya Nzambi.

Mavanga 11:20

Buuna bakima ŋa hati la bo, ba baaba ba ibiingi hya Kipere na bisu Kilene, bo ka baayeni hu musyenge a Antyokya. Ka bo baakayabisa ka Bangeleke na ulongese bo musamu wu mubwe wa Pfumu Yisu.

Mavanga 18:8

Buuna Kilisiposi, mutumi a nzo lisambulu yi Bayudaayo, asiidi hiitu mu Pfumu na ikuta hya nde hyosi. Bisu Koliinto ka babalahi ba baakayuha mambu ma Pahuli, baasiidi hiitu mu Pfumu Yisu, na baayaki tondihili.

Mavanga 19:5

Humbisa uyuha mambu momaana, bo baayaki tondihili mu nduhi a Pfumu Yisu.

Mavanga 2:38

Peetelo akaali bo: «Sobwani mbiili, na pasi muutu mu benu batondehe mu nduhi a Yisu Kristo. Saani buuna, mana Nzambi amasa masumu ma benu. Ni huuna benu lu uyaka bungodu bu Livupu la Ngidi.

Mavanga 2:41

Kabu li lilahi laasiingi mambu ma Peetelo hakaleele. Baatondihi bo mu nyahulili a masumu. Mu ilumbu mohiina, we biveeve bitatu (3000) bya baatu baabiisili kabu la banga hiitu.

Mavanga 20:21

Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»

Mavanga 20:25

«Bunuubu, me nzaabi bubwe ti, benu boosi ba me andongisi Ipfumu hya Nzambi, tso mumosi a hubwemono me ve.

Mavanga 28:31

Nde akayabisa bo mu dyambu li Ipfumu hya Nzambi. Na nde akalongese baatu na isuusi hyosi, hwavele ikahu, mana bo babaha nzaabili mu Pfumu Yisu Kristo.

Mavanga 5:14

Babahala na bakasu babalahi baakasa hiitu mu Pfumu. Baatu mobaana baapfunisi litangu la banga a hiitu.

Mavanga 8:4

Banga hiitu ba baatsamuhi baakataangila tsi, na ubaayabisa Tsangu yi Mbwe.

Looma 10:10

Mu toni ati, wu ubaasa imiinu mutso mutima a nde Nzambi ukitula nde wa tsiitsa. Wu ubaasilasa mu munywa a nde, Nzambi uyobolo nde.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

1 Peetelo 3:21

Mamba momaana aba ni ifwani hya tondihili yi yili mu ufuuhasa benu tangu yi. Tondihili mo, a yili mu uswaha mbiindu a nyutu a benu ve. Ka ni mu usobo mbiili ŋa busu bwa Nzambi, mu matsimi ma maatsyeme. Tondihili yili mu ufuuhasa benu, mu toni ati Yisu Kristo asuuhi mu babaakwa.