Mavanga 8:1 - Musamu wu Mubwe

¹ Na Sahuli asilisi lipfu la Etyene. Ilumbu mo ni hiina, hwabaandihi mbingisili yinene mu Libundu la Yeruselemi. Banga hiitu boosi, vengo bilumbi, baatsamuhi mu bitanzi bya Yuda na Samariya.

Mavanga 8:1 ပူးပေါင်းရင်းမြစ်များ

Yowani 15:20

Yibwalaani monyi mu mikuma mi me andeeli benu: “Musalili a hubaalutala pfumu a nde ve.” Tso baatsuti me, bo sa batsuta benu kaka. Tso baakeelisi mikuma mya me, bo sa bakeelese mikuma mya benu kaka.

Yowani 16:2

Bo sa bapalisa benu mu manzo ma lisambulu li Bayudaayo. Na tangu yili mu uya, yi bo buutsima ti, tso bo badubi benu, yiina ni nzila huli bo yi ukuunda Nzambi.

Mavanga 1:8

Ka benu lu uyaka matwala, bu Livupu la Ngidi lukulamana ŋa yulu a benu. Benu lu uba bambangi ba me mu Yeruselemi, mu itanzi hya Yuda hyosi na hya Samariya, nate hu hwasuka toto.»

Mavanga 13:1

Mu tso libundu la Antyokya, hwaba na mimbihuli na milongisi: Baranabasi, Simehoni wu baakateele «Mupindi», Lukiyusi musi Kilene, Manaheni mbahi a Eloode wu bukenyi, wu akatuma itanzi hya Ngalili, na Sahuli.

Mavanga 13:36

Mu tangu a nde, Davidi akuhisi litondo la Nzambi, na nde akwidi. Baadiihi nde ŋa muvanga bakaaha ba nde na nyutu a nde yaboli.

Mavanga 2:47

Bo baakayusa Nzambi, na baatu boosi baaba na hyese hya bo. Na pasi ilumbu Pfumu akabwese hu kabu la banga hiitu, ba nde hakayobolo.

Mavanga 22:20

Titswene, ŋa baadubi Etyene, mbangi a we, me kaka ambeedi ŋaana. Me atsilisi babaakaduba nde, ni me mwakulu akwaadi mu ukeelese na bikutu byabo.”

Mavanga 26:10

Ni mambu momaana me atsi ka hu Yeruselemi. Me anzaki lituma li bakuutu ba banganga ba Nzambi, na me akotisi mu kondaayi, babalahi mu ba baakasila Yisu hiitu. Na ŋa baakava kesili mu uduba bo, humbisa utsundasa bo, me akatsilasa.

Mavanga 5:18

Bo baatumi mu ukanga bilumbi na baabwahi bo mu kondaayi yinene.

Mavanga 5:20

«Yenaani hu nzo a Nzambi. Ni huuna benu lu uyabisa baatu, mambu moosi ma maatala monyi wu munyatihi.»

Mavanga 5:33

Baatu ba pfuundu banzonzi badasuhi mu mifudi, bu bo baayuhi mambu momaana, na bo baakatondo uduba bilumbi.

Mavanga 5:40

Bo baateeli bilumbi, baatumi masadaadu mu utete bilumbi bikooti, na baaviidi byo mukele mu ubweveletoyo mu nduhi a Yisu. Titswene, bo baanyahuli byo.

Mavanga 7:38

Ŋa yulu a ŋana, bu buli la baatu ba Isereli laba laakuukama hu kumu a nzala, nde ni wu akateleme na bakaaha ba bisu. Nde aba kaka na pofi wu akatoyo na nde ŋa yulu isyelo hya Sinayi. Nde ayaki mambu ma monyi ma Nzambi, mu utosele bisu.

Mavanga 7:54

Baatu ba pfuundu banzonzi baadasuhi hu ulahi, bu baayuhi mambu momaana. Mu toni a mambu ma Etyene, bo baakakwete miinyu ma bo na kesi yoosi.

Mavanga 7:58

Bo baapalisi nde hu mbadi musyenge, na baalangi nde mamanya mu toni uduba nde. Bambangi baasiisi bikutu bya bo ŋa miilu mi mufudu mbahala mumosi nduhi Sahuli, mu ukeelese byo.

Mavanga 8:14

Bu bilumbi bi byaba hu Yeruselemi byayuhi ti bisu Samariya baasiingi mambu ma Nzambi, bo baatsindihi Peetelo na Yowani.

Mavanga 8:2

Baatu ba baakinza Nzambi, baayadiiha mvumbi a Etyene na baalili hu ulahi mu toni lipfu la nde.

Mavanga 8:4

Banga hiitu ba baatsamuhi baakataangila tsi, na ubaayabisa Tsangu yi Mbwe.

Mavanga 8:5

Filipo ayeni hu musyenge a Samariya, na akayabisa Kristo huli baatu.

Mavanga 9:31

Libundu laaba mu hyenze mu bitanzi byosi bya Yuda, bya Ngalili, na bya Samariya. Livupu la Ngidi laakakulasa libundu mu hiitu, na mu likinzu la Pfumu. Litangu la banga hiitu laabwefulala bulahi mu likumbasa li Livupu la Ngidi.

Looma 1:32

Bo bayaabi we bu hwafwana, mukele butsiitsa wa Nzambi. Baatu ba bubaasalila buuna, baahwama na lipfu. Ka bo bali mu usupaha ubaavanga ma pila moyiina, na titswene, bo bali mu usilasa kaka bavangi ba mamabi.

Filiipo 1:12

Baana ba ngu, me tondi uyaabisa benu ti mambu ma maayiili me, ni ma maasiidi ti Musamu wu Mubwe ayabaana mu mambuha moosi.