Mavanga 6:9 - Musamu wu Mubwe

⁹ Mwa litangu la baatu layakaakana na nde. Baatu mobaana aba ba kabu la baatu ba nzo lisambulu yi Bayudaayo, li bakateele kabu li «baviha na ba baaba bunyanga». Kabu mo aba na Bayudaayo ba misyenge mya Kilene na ba mya Alekizandi. Itwadi na bakima ba hu itanzi hya Silisiya, na ba tsi ya Asiya, bo boosi baakakini na Etyene.

Mavanga 6:9 ပူးပေါင်းရင်းမြစ်များ

Luuka 21:12

Ka tswamina mambu momaana mavangama, sa bakaanga benu, sa batsuta benu. Sa bayeholo benu hu tsundusu mu manzo ma lisambulu ma Bayudaayo. Sa babwaha benu mu kondaayi. Sa babita benu ŋa busu bu bapfumu na lituma la tsi mu toni a nduhi a me.

Mavanga 11:20

Buuna bakima ŋa hati la bo, ba baaba ba ibiingi hya Kipere na bisu Kilene, bo ka baayeni hu musyenge a Antyokya. Ka bo baakayabisa ka Bangeleke na ulongese bo musamu wu mubwe wa Pfumu Yisu.

Mavanga 13:1

Mu tso libundu la Antyokya, hwaba na mimbihuli na milongisi: Baranabasi, Simehoni wu baakateele «Mupindi», Lukiyusi musi Kilene, Manaheni mbahi a Eloode wu bukenyi, wu akatuma itanzi hya Ngalili, na Sahuli.

Mavanga 13:45

Bu Bayudaayo baamoni konge a baatu moyina, bo baaluuli mu nyengi. Na baakatuna ndongisili a Pahuli ti yi upfuta, na baakatuha nde.

Mavanga 15:23

Baaviidi bo mu ubita muhanda wu baasonehe bunuubu: «Bisu bilumbi na bakuutu ba libundu, bambaahi ba benu banga imiinu, limiisuula benu baana ba ngu ba laavele Bayudaayo. Bisu limiisuula benu ba lili hu musyenge a Antyokya, hu bitanzi bya tsi a Siriya na itanzi hya Silisiya.

Mavanga 15:41

Pahuli ataangili matsi ma Siriya na Silisiya mu ubaahwadisa mabundu.

Mavanga 16:6

Bu Livupu la Ngidi laalihi bo mu ulongese mambu ma Nzambi hu itanzi hya Asiya, bo bataangili bitanzi bya Filizi na Ngalatiya.

Mavanga 18:24

Muyudaayo mumosi ayidi hu musyenge a Efeso, nduhi a nde Apoloosi, wu baabuti hu Alekizandi. Nde aba muutu wu ubaatoyo bubwe, na nga buyedi wu akangama mu ma baasonehe ma Ngidi.

Mavanga 19:10

Pahuli ahwadi mu ulongese mu bilima byole, mana Bayudaayo na Bangeleke boosi, ba baakatsahala hu itanzi hya Asiya, bayuha mambu ma Pfumu.

Mavanga 19:26

Ka benu lili mu umono, tso uyuha ma mali mu uvyoho mu musyenge a Efeso, nate mu itanzi hya Asiya hyosi. Pahuli mowunuwu amiikingula matsimi ma makonge ma baatu, ti banzambi ba myoho mya baatu myavanga, a bali banzambi ba mbuli ve!

Mavanga 21:27

Bu bilumbu tsambu mo byaba hupedu ufwa, Bayudaayo bakima ba itanzi hya Asiya, baatalili Pahuli hutso litandala la nzo a Nzambi. Bo baatumbisi konge a baatu yoosi, na baakangi nde.

Mavanga 21:39

Pahuli afutili: «Me Muyudaayo ndi, wu baabuta hu musyenge a Talasi hu tsi a Silisiya, musi musyenge wu munene. Kolo-kolo a we, va me muswa mu utoyo huli kuungi la baatu.»

Mavanga 22:19

Me apfutili: “Pfumu, bo bayabi bu hwafwana ti me akanzyene mu pasi nzo lisambulu yi Bayudaayo, mu ubwaha mu kondaayi babali mu usiila we hiitu.

Mavanga 22:3

«Me Muyudaayo ndi, wu baabuta hu musyenge a Tarese, mu itanzi hya Silisiya. Me ni ŋa Yeruselemi ŋa baabuuhasa. Mulongisi Ngamalieli ni wu ayihisi me mu uduukala bubwe-bubwe, mikele mi bakaaha ba bisu. Me ambeedi na lehemene mu Nzambi, we bu benu boosi lili mu usa loloyi.

Mavanga 23:34

Mutumi ataanga muhanda mowuna, nde afuuli Pahuli, mu ki itanzi nde hamata. Bu nde hayabi ti Pahuli aba musi Silisiya,

Mavanga 24:18

Mono ma me amba mu usa, ŋa bo baayabiisa me mu litandala la nzo a Nzambi. Me akoti mu utsyemese nyutu a me, a hwaba na tso konge a baatu mu paanga a me, tso kele ka ve.

Mavanga 26:11

Tangu yoosi, ŋa me akanzyene mu manzo ma lisambulu ma Bayudaayo, me akatsyembe bo na mifudi myosi. Me akakwamisa bo mu utunala Nzambi. Mu bunono bwa kesi a me mu bo, me akambingasa bo nate mu misyenge mi bumwenyi.»

Mavanga 6:10

Ka bo a baatwali ubiingala nde ve, mu toni ati nde akayambila mu tsiki yi Livupu laakava nde.

Ngalaatiya 1:21

Titswene, me anzyeni hu bitanzi bya Siriya na Silisiya.