Mavanga 6:1 - Musamu wu Mubwe

¹ Mu bilumbu mobiina, litangu li bayihi laakapfuna, Bayudaayo ba baakayambila ndaha a Bangeleke, baakaŋono. Bo baakaŋono mu toni ati, pasi ilumbu, mu tangu a kabili a byudya, Bayudaayo ba baakayambila Ibeleho, baakafumbasa bakwili ba bo ba bakaasu.

Mavanga 6:1 ပူးပေါင်းရင်းမြစ်များ

Mavanga 11:20

Buuna bakima ŋa hati la bo, ba baaba ba ibiingi hya Kipere na bisu Kilene, bo ka baayeni hu musyenge a Antyokya. Ka bo baakayabisa ka Bangeleke na ulongese bo musamu wu mubwe wa Pfumu Yisu.

Mavanga 11:26

Bu nde hasooli Sahuli, nde abiti nde hu Antyokya. Bo baboole baavyosi ilima hi itindala itwadi mu libundu moliina. Bo baakalongese mabuli mamanene ma baatu. Hu Antyokya, ni huuna baateeli bayihi ba Yisu hati a tsomi, ti bo «Bakristo».

Mavanga 11:29

Bayihi baavoli kesili ti muutu-muutu mu bo, atsindaha likumbasa huli baana ba ngu ba baakatsahala hu itanzi hya Yuda.

Mavanga 2:41

Kabu li lilahi laasiingi mambu ma Peetelo hakaleele. Baatondihi bo mu nyahulili a masumu. Mu ilumbu mohiina, we biveeve bitatu (3000) bya baatu baabiisili kabu la banga hiitu.

Mavanga 2:45

Bo baakasumbasa busina bwa bo na bi bo baaba na byo. Bo baakakabasana mbongo, we bu hwaba nzala a muutu-muutu.

Mavanga 2:47

Bo baakayusa Nzambi, na baatu boosi baaba na hyese hya bo. Na pasi ilumbu Pfumu akabwese hu kabu la banga hiitu, ba nde hakayobolo.

Mavanga 4:4

Ka, ŋa hati la ba baayuhi mambu ma Nzambi, babalahi baasiidi hiitu mu Yisu. Buuna, litangu la baatu latodi bebele a biveeve bitanu (5000).

Mavanga 5:14

Babahala na bakasu babalahi baakasa hiitu mu Pfumu. Baatu mobaana baapfunisi litangu la banga a hiitu.

Mavanga 5:28

Nde aleeli bo: «Bisu laasa benu mukele mu mifudi mu ubwevelelongese mu nduhi a muutu mowuuna. Ka benu ki lo livangi? Benu limiitsala ndongisili a benu mu musyenge a Yeruselemi woosi, na benu litondi ususa pfuta lipfu la nde ŋa yulu a bisu!»

Mavanga 6:2

Ni mu buuna, kuumi bilumbi byole byakungi konge yoosi yi bayihi, na baaleeli: «A hwafwana huli bisu mu unyaha ulongese mambu ma Nzambi mu toni a isalu hya kabili a byudya ve.

Mavanga 6:7

Mambu ma Nzambi maakatsamuha, litangu li bayihi laakakula bulahi hu Yeruselemi. Na litangu lilinene li banganga ba Nzambi, baakasa hiitu mu Yisu.

Mavanga 9:29

Nde akabaamoho ka na Bayudaayo ba baakayambila ndaha yi Bangeleke, na usanzasana matsimi na bo. Ka bo baniiba, baakasaha uduba nde.

Mavanga 9:39

Peetelo atelimi, ayeni na bo. Bu nde hayato, baabiti nde hu itini hya nzo hya hu yulu. Bakwili boosi baayasusaha bebele na nde mu ulila. Bo baamwesi nde bikutu na biyunga bi Tabita hatungi ŋa nde haba kini monyi.

Mavanga 9:41

Peetelo akangi hoho hwa nde na atelimisi nde. Nde ateeli banga hiitu na bakwili, na nde amwesi bo Tabita wu aba monyi.

Looma 12:7

Tso mukima li na bungodu bu usalila bana, nyaha abaasalila. Wu li na bungodu bu ulongese, nyaha abaalongese.

Filiipo 3:5

Me, baaketi me mu ilumbu hya pwombo, hya hu mbisa a mbutili a me. Me musi Isereli mu ubuta, wa buli la Benyameni. Bakaaha ba me boosi bisu Ebeleho. Ka uto ti mu kiinzili mikele mya Moose, me ndi mu kabu li Bafarisi.

1 Timoteho 5:3

Baakinza bakwili ba bakaasu ba baavele na bakumbisi.

1 Timoteho 5:9

Mu muhanda litangu, bakwili ba bakaasu ba libundu huva likumbasa, ndulu ba baamiivyoso tungi li maku masamunu (60) ma bilima. Nde afwana uba mukwili wu akoto kwele ndulu koto limosi.

Yaki 1:27

Inzambi hi hyatsyeme na hi hyavele na tsumiili, ŋa busu bwa wu li Nzambi na Taata, ni mu ubaakumbasa bitsana na bakwili mutso minyongi mya bo. Inzambi hi hyatsyeme, ni mu uvelesumaha mu mambu mamabi ma tsi moyiniyi.

Yaki 4:5

Benu libaatsima ti, Libuuku la Ngidi mu pu laatoyo ŋa baaleele ti: «Nzambi ubaasa bisu likwabi mu livupu li nde hasusa mu bisu.»

Yaki 5:9

Nyahani bikumini benu na benu baana ba ngu, kini Nzambi utsundasa benu. Mutsundisi amiikwateleme ŋa munywa a nzo.