Mavanga 5:32 - Musamu wu Mubwe

³² Bisu lili bambangi ba misamu momiina, bisu na Livupu la Ngidi, li Nzambi havidi ba bali mu usiingala nde.»

Mavanga 5:32 ပူးပေါင်းရင်းမြစ်များ

Yowani 7:39

Yisu haleeli buuna, mu toni a Livupu la Nzambi li boosi ba baasiidi imiinu mu nde, baafwana uyaka. Mu tangu moyiina, Nzambi aba kini a haviidi Livupu ve, mu toni ati Yisu aba kini a hayaki muyusu ve.

Mavanga 1:8

Ka benu lu uyaka matwala, bu Livupu la Ngidi lukulamana ŋa yulu a benu. Benu lu uba bambangi ba me mu Yeruselemi, mu itanzi hya Yuda hyosi na hya Samariya, nate hu hwasuka toto.»

Mavanga 10:44

Bu Peetelo haba kini mu utoyo, Livupu la Ngidi laayabwa ŋa yulu a boosi ba baakayuha ibila hya nde.

Mavanga 13:31

Mu bilumbu bibilahi, Yisu amonihili huli ba baakadyenge na nde. Ni baatu ba baakayene na nde umata hu itanzi hya Ngalili nate hu Yeruselemi. Na bunuubu, bo bali bambangi ba nde, ŋa busu bwa bisu Isereli.

Mavanga 15:28

Bunuubu, Livupu la Ngidi na bisu, limiivolo kesili mu ubwevelekwiha benu pasi mupfuna, vengo mangidi momanima ma maafulala talu:

Mavanga 2:32

Nzambi asuuli nde ŋa hati la babaakwa. Yisu mo wu me ndi mu unzambila mu nde wunuwu. Bisu boosi lili bambangi.

Mavanga 2:4

Bo boosi baaluuli mu Livupu la Ngidi. Titswene baakatoyo mandaha makima, we bu Livupu laakatuma bo mu uyambila.

Mavanga 5:29

Buuna Peetelo na bilumbi bikima baafutili bo: «Hwafwana mu usiingala Nzambi, ka a baatu ve.

Looma 8:16

Livupu la Ngidi libaata imbangi lo mwakulu huli livupu la bisu ti, bisu lili baana ba Nzambi.

1 Peetelo 1:12

Mambu ma Nzambi hayabisi bo ni manima: malumbi ma bo baakatoosele, a maba mu toni a bo ve, ka mu toni a benu. Bunuubu, ba bali mu uyabisa Musamu wu Mubwe, baatoosili benu malumbi momaana mu matwala ma Livupu la Ngidi, libaatsindihi umata hu yulu. Bapofi bo mwakulu kaka, bubaatoondo uyaba mambu momaana.