Mavanga 5:30 - Musamu wu Mubwe

³⁰ Nzambi bakaaha ba bisu amiisuula Yisu mowunuwu, wu benu laadubi mu ukomene ŋa muti a kuruwa.

Mavanga 5:30 ပူးပေါင်းရင်းမြစ်များ

Luuka 1:55

Ni mu buuna, Nzambi hamisa lahi huli bakaaha ba bisu, huli Abrahami na imbisa hya nde mu bilima na bilima.»

Luuka 1:72

Nzambi amwesi kwili a nde lingebe huli bakaaha ba bisu. Na nde ayibwili monyi mu lahi la nde la ngidi.

Mavanga 10:39

Bisu lili bambangi ba moosi ma nde hasiidi mu tsi Bayudaayo, na hu Yeruselemi. Nde wuna wu baadubi na wu baakomini ŋa kuruwa.

Mavanga 13:33

Bunuubu, Nzambi miikuhasa lo we bu hwafwana huli bisu bikiisa bya bo. Mu usa buuna, Nzambi miisuula Yisu mu babaakwa we bu baasonehe mu Mukuunga wa myole: “We ni wuli mwana a me, loloyi, me mimbuta we.”

Mavanga 2:32

Nzambi asuuli nde ŋa hati la babaakwa. Yisu mo wu me ndi mu unzambila mu nde wunuwu. Bisu boosi lili bambangi.

Mavanga 22:14

Nde abweleele: “Nzambi bakaaha ba bisu hamiteehele usoolo we, mana we tsikaha litondo la nde. Nde hamiteehele usoolo we, mana we mono Wuna wu Akuha, na uyuha ndaha a nde.

Mavanga 3:26

Ni mu toni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavanga ma nde mamabi.»

Ngalaatiya 3:13

Bu Kristo akituhi iloho hya tsingili ŋa mbuha a bisu, nde ayobili bisu mu tsingili Mikele. Ma baasonehe ma Ngidi mali mu uleele: « Aba wu baasinga, pasi nde wu akwa mu swe ŋa muti.»

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»