Mavanga 5:16 - Musamu wu Mubwe

¹⁶ Makonge ma baatu baakamata ka hu misyenge mya bebele na Yeruselemi. Bo baakabehe babeedu, na baatu ba mavupu mamabi maakakwamisa, na boosi baakabeloho.

Mavanga 5:16 ပူးပေါင်းရင်းမြစ်များ

Luuka 5:17

Ilumbu imosi, Yisu bu hakayihasa baatu, Bafarisi na milongisi mi mikele baaba batsahala ŋa muvanga a nde mu uyuhala nde. Baatu mobaana baamati mu mala moosi ma Ngalili, na ma Yuda nate hu musyenge a Yeruselemi. Na matwala ma Pfumu maaba mu Yisu. Nzambi aviidi nde matwala mu ubeeloso babeedu.

Luuka 6:18

Baatu mobaana baayidi mu uyuha nde, na mana nde abeeloso bo mu mabeedu ma bo. Baatu ba mavupu mamabi maakakwamisa, baabeeluhi.

Luuka 9:11

Bu makonge maayabi buuna, mo maaduukili Yisu. Nde ayaki mo, na nde akayambila mu Ipfumu hya Nzambi. Yisu abeelusi ka boosi ba baaba na mabeedu.

Yowani 14:12

«Mu mbuli, mu mbuli me ndi mu undeele benu, woosi wu usa imiinu mu me, nde kaka sa akuhasa mavanga ma me ndi mu utsa. Na nde sa akuhasa ma maalutala bunene, mu toni ati me ndi mu unzyene huli Taata.

Mavanga 4:30

Mwese matwala ma we, mana babeedu babeeloho. Nyaha bilimbu na bimaangu bivangama mu nduhi a Yisu, musalili a we wa ngidi.»

Mavanga 5:15

Baatu baakabehe babeedu mu manzila na baakalasa bo ŋa yulu mataangi na bipooyi. Mana bu Peetelo huvyoho, inzinza hya nde ifuha tso mumosi mu bo.

Mavanga 5:17

Ni mu buuna, mukuutu banganga ba Nzambi, na boosi ba baaba na nde, kabu loosi li Basaduki, laluuli mu nyengi bilumbi.

Yaki 5:16

Baasiingani masumu ma benu ŋa busu bu bambaahi. Na baabitasanani bana mu masambulu, mana benu libeloho. Ŋa muutu wu akuha ubaasambila, lisambulu la nde, libaaba na mifudi.