Mavanga 5:14 - Musamu wu Mubwe

¹⁴ Babahala na bakasu babalahi baakasa hiitu mu Pfumu. Baatu mobaana baapfunisi litangu la banga a hiitu.

Mavanga 5:14 ပူးပေါင်းရင်းမြစ်များ

Mavanga 11:24

Baranabasi abeedi muutu wu mubwe, wu aluula mu Livupu la Ngidi na mu imiinu mu Nzambi. Baatu babalahi baabiisili Pfumu.

Mavanga 2:41

Kabu li lilahi laasiingi mambu ma Peetelo hakaleele. Baatondihi bo mu nyahulili a masumu. Mu ilumbu mohiina, we biveeve bitatu (3000) bya baatu baabiisili kabu la banga hiitu.

Mavanga 2:47

Bo baakayusa Nzambi, na baatu boosi baaba na hyese hya bo. Na pasi ilumbu Pfumu akabwese hu kabu la banga hiitu, ba nde hakayobolo.

Mavanga 22:4

Me akwamisi nate hu lipfu, boosi ba baakaduukala Nzila a Yisu. Me atumisi ukanga na ubwaha mu kondaayi, bakaasu na babahala.

Mavanga 4:4

Ka, ŋa hati la ba baayuhi mambu ma Nzambi, babalahi baasiidi hiitu mu Yisu. Buuna, litangu la baatu latodi bebele a biveeve bitanu (5000).

Mavanga 6:7

Mambu ma Nzambi maakatsamuha, litangu li bayihi laakakula bulahi hu Yeruselemi. Na litangu lilinene li banganga ba Nzambi, baakasa hiitu mu Yisu.

Mavanga 8:12

Ka bu makonge ma baatu maasiidi hiitu mu Tsangu Yimbwe yi Filipo hakayabisa bo mu Ipfumu hya Nzambi na mu Yisu Kristo, babahala na bakaasu boosi baayaki tondihili.

Mavanga 8:3

Sahuli, akahwada mu utsala Libundu. Nde akakoto mu pasi nzo, akakaanga banga hiitu, babahala na bakaasu, na ubaabwaha bo mu kondaayi.

Mavanga 9:2

avondi nde mihanda mi uva nde muswa a kotili mu manzo ma masambulu ma Bayudaayo ma hu musyenge a Damaseko. Nde hasiidi buuna, mana bu nde hu ubiisa baatu, babahala tso bakaasu, ba baakaduukala nzila a Pfumu, nde akanga bo na ubita bo hu musyenge a Yeruselemi.

Mavanga 9:31

Libundu laaba mu hyenze mu bitanzi byosi bya Yuda, bya Ngalili, na bya Samariya. Livupu la Ngidi laakakulasa libundu mu hiitu, na mu likinzu la Pfumu. Litangu la banga hiitu laabwefulala bulahi mu likumbasa li Livupu la Ngidi.

Mavanga 9:35

Bisu Lida boosi na baatu ba hu kumu a Saroni, bu baamoni nde, baasobi mbiili na baasiidi hiitu hya bo mu Pfumu.

Mavanga 9:42

Tsangu yatsaamuhi mu musyenge woosi wa Yafa, na babalahi baasobi mbiili a bo na baasidi hiitu mu Pfumu.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.