Mavanga 4:36 - Musamu wu Mubwe

³⁶ Hwaba na muutu mumosi nduhi Yosefi, wu baabuti hu iliiŋa hya Kipere, wu ibandu hya Levi. Bilumbi byakateele nde Baranabasi, mbindulili a nduhi ti: «wu ubaabombesele».

Mavanga 4:36 ပူးပေါင်းရင်းမြစ်များ

Mavanga 11:30

Bo baavangi buuna. Na baatsindihi bungodu mobuuna ŋa myoho mya Baranabasi na Sahuli, huli bakuutu ba libundu ba hu Yuda.

Mavanga 12:25

Bu Baranabasi na Sahuli baamani ukuhasa isalu hu Yeruselemi, bo baasiisi Yeruselemi na baabiti Yowani wu baakateele ka Malako.

Mavanga 13:1

Mu tso libundu la Antyokya, hwaba na mimbihuli na milongisi: Baranabasi, Simehoni wu baakateele «Mupindi», Lukiyusi musi Kilene, Manaheni mbahi a Eloode wu bukenyi, wu akatuma itanzi hya Ngalili, na Sahuli.

Mavanga 13:15

Bakuutu ba nzo lisambulu yi Bayudaayo baataangi mambu ma ilumbu mu mikele mya Moose, na mu mabuuku ma mimbihuli. Titswene, baatsindihi muutu mu uleele bo: «Baana ba ngu a me, tso benu na mambu ma uyabisa huli libundu mu uhwadisa lo, leelani.»

Mavanga 13:2

Ilumbu imosi, bu bo baakasambila Pfumu na bu bo baakadya ikaandi, Livupu la Ngidi laayabisi bo: «Vengolwani Baranabasi na Sahuli, mu toni isalu hi me ateele bo mu hyo.»

Mavanga 13:4

Livupu la Ngidi laatsindihi Baranabasi na Sahuli. Bo baakulimini hu ngulu yi makuumbi ma nzali mubaatsikama, hu bo baanami mu likuumbi la nzali mu uyene hu iliiŋa hya Kipere.

Mavanga 15:12

Na baatu boosi baasi swii. Buuna, Pahuli na Baranabasi baakayabisa bo bilimbu bya kimwili, na bipadi bi bo baasiidi mu matwala ma Nzambi, ŋa hati la ba baavele Bayudaayo.

Mavanga 15:2

Pahuli na Baranabasi a baasingisili bo ve. Titswene, paha na kele yi mifudi byabwidi ŋa hati la baatu mobaana mu dyambu moliina. Libundu laavoli kesili ti Pahuli, Baranabasi na baana ba ngu bakima, bisu Antyokya, baafwana uyene hu Yeruselemi. Ni huuna bo buyatsikaha musamu mowuna huli bilumbi, na huli bakuutu ba libundu.

Mavanga 15:37

Baranabasi atsimi ti bo bavolo ka Yowani nga kumbu Malako, mu uyene na bo.

Mavanga 15:39

Buuna, paha yinene yatelimi, na bo baakabuhi. Baranabasi avoli Malako, na bo boole baayeni hu iliiŋa hya Kipere.

Mavanga 21:16

Kabu li bayihi ba musyenge a Sezare, laayabiisala bisu. Bo baabiti bisu huli muutu wu avangimi mu uyaka bisu hubwa nde. Nduhi a nde Manasoni, musi iliiŋa hya Kipere, wu aba muyihi umata beleve.

Mavanga 21:3

Bu laatoodi bebele mu utalila iliiŋa hya Kipere, bisu laakulimini hu baanda iliiŋa mohina, mu uyene hu tsyelo a tsi a Siriya. Bisu laatsikimi hu simu la kaasu li musyenge a Tiilo, hu baapalisi makatu mu likuumbi.

Mavanga 27:4

Bu laamati ŋaana, bisu laalondi simu li laasweme li iliiŋa hya Kipere, mu toni ifula hi hyakayabwana bisu.

Mavanga 9:27

Baranabasi avoli nde, abiti nde huli bilumbi. Nde ayabisi bo buni Sahuli hamoni Pfumu mu nzila, na buni Pfumu hatoyi na nde. Nde abweyabisa bo ka buni Sahuli halongisi mu nduhi a Yisu na hiitu hyosi hu musyenge a Damaseko.

Ngalaatiya 2:1

Titswene, humbisa bilima kuumi na bina, me ambwekumasa hu musyenge a Yeruselemi, bisu a Baranabasi. Me ambiti kaka Tiite.

Ngalaatiya 2:13

Bayudaayo bakima ba musyenge mowuuna, baasidi we Peetelo. Baranabasi nde mwakulu kaka, akoti hutso a ndyatili a bo yi muwala.

Ngalaatiya 2:9

Yaki, Peetelo na Yowani ba baaba makunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umwese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.